Ysay 31:8 - An Bibel Kernewek 20234 (Kernewek Kemmyn)

⁸ ‘Assyria a goedh der an kledha a-der dre wour, ha kledha, nag yw a vab-den, a's devor. I a fi dhe'n fo rag an kledha ha'ga gwer yowynk a vydh gorrys dhe hwel krev.

Ysay 31:8 ပူးပေါင်းရင်းမြစ်များ

Jenesis 49:15

Ev a welas bos da y bowesva, ha hweg an tir; ev a blegyas y skoedh dhe'n begh, hag a veu gorrys dhe hwel krev avel kethwas.

2 Kroniklys 32:21

Ha'n Arloedh a dhannvonas el neb a ladhas oll an gasoryon alloesek ha'n gaslewydhyon ha'n soedhogyon yn kamp myghtern Assyria. Ytho ev a gildennas yn disenor dh'y dir y honan. Pan dheuth yn chi y dhuw, re a'y vebyon a'n weskis dhe'n dor gans an kledha.

Ysay 10:12

Ytho pan dhiwedh an Arloedh oll y ober war venydh Sion hag yn Yerusalem, my a gessydh frut kolonn goethus myghtern Assyria, ha balghder y dhewlagas howtyn.

Ysay 10:25

Yn pols pur vyghan sorrvann er agas pynn a worfenn, ha'm sorr a dreyl dh'aga distruyans i.

Ysay 14:2

Poblow a's kemmer ha'ga dri dh'aga thyller aga honan. Chi Ysrael a's erit yn tir an Arloedh avel kethyon ha kethesow. I a wra dhe'n re a's kemmeras yn kethneth bos aga hethyon i, hag i a rewl an re a's arwaskas.

Ysay 14:25

dhe derri Assyria y'm tir, ha'y drettya yn-dann dreys war ow menydhyow; Y yew a vydh kemmerys dhiwarnedha, ha'y vegh a vydh kemmerys a-dhiwar aga skoedh.

Ysay 17:13

Kenedhlow a darenn avel tarennans dowrow pals, mes ev a's keredh hag y fions pell, helghys avel us war an menydhyow a-rag an gwyns, hag avel has askall a-rag an awel.

Ysay 21:15

Rag i re fias dhiworth an kledhedhyow, dhiworth an kledha noeth, ha dhiworth an warak plegys, dhiworth garowder an vatel.

Ysay 27:7

A wrug ev aga gweskel dell weskis an re a's gweskis? Po a vons ledhys kepar dell veu ledhys an re a's ladhas?

Ysay 29:5

Mes routh dha estrenyon a vydh avel ponn, ha'n routh fell a vydh avel us ow tremena dhe-ves. Ena yn pols, distowgh,

Ysay 33:1

Go-jy, ty dhistruer, mes ny veus distruys; ty a draytas, mes nagonan ny wrug dha drayta. Pan astelydh distrui, ty a vydh distruys; pan astelydh trayta, i a wra dha drayta.

Ysay 37:7

Ottavy ow korra ynno spyrys, ha pan glew kyhwedhel, ev a dhehwel dh'y bow y honan; ha my a wra dhodho koedha der an kledha yn y bow y honan.” ’

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 46:10

Rag hemm yw dydh an Arloedh, Duw an luyow, dydh a dhial, dhe dyli dial war y eskerens. An kledha a dhevor hag a vydh gwalghys, ha medhwys gans aga goes. Rag an Arloedh, Duw an luyow, a'n jeves sakrifis yn tir an gogledh ryb an avon Ewfrates.

Ezekiel 21:28

Ha ti, A vab den, profoes ha lavar, Yndellma y lever an Arloedh Duw a-dro dhe vebyon Ammon hag a-dro dh'aga heredh; lavar: Kledha, kledha, tennys rag ladhva, rutys splann dhe gonsumya, dhe lughesi!

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’