Ysay 31:2 - An Bibel Kernewek 20234 (Kernewek Kemmyn)

² Mes ev yw fur hag a dhre drog; ny dhaskelow y eryow, mes ev a sev erbynn chi an dhrogoberoryon, hag erbynn gweresoryon an re a wra sherewynsi.

Ysay 31:2 ပူးပေါင်းရင်းမြစ်များ

Job 12:13

‘Yma furneth ha galloes gans Duw, yma dhodho kusul ha konvedhes.

Job 12:16

Ganso yma nerth ha doethter; dhodho yma an den toellys ha'n den a doell.

Job 5:13

Ev a vagel an dus fur yn aga felder, ha towlennow an dus sleygh yw dres dhe worfenn yn skon.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 14:20

Ny vydhydh junys gansa yn ynkleudhyans, rag ty a dhistruis dha dir, ha ladha dha bobel. Ny vydh henwys bys vykken has an debeles.

Ysay 21:17

Remenant an waregoryon, kasoryon mebyon Kedar, a vydh boghes; rag an Arloedh, Duw Ysrael, re gewsis.

Ysay 22:14

Arloedh an luyow re dhiskudhas hemma y'm diwskovarn: Yn tevri ny vydh prenedh dhywgh rag an anewnder ma erna verwowgh, yn-medh an Arloedh, Duw an luyow.

Ysay 28:21

Rag an Arloedh a sev dell wrug orth menydh Perasim, ev a gonner dell wrug yn nans Gibeon, dhe wul y weythres, y weythres ankoth, ha dhe oberi y ober, y ober estren.

Ysay 28:29

Hemma ynwedh a dheu dhiworth Arloedh an luyow, neb yw marthys yn kusul, ha meur y dhoethter.

Ysay 30:3

Mes nerth Ejyp a vydh meth dhywgh, ha trestya yn goskes Ejyp a vydh disenor.

Ysay 30:7

Gweres Ejyp yw euver ha diles. Rakhenna my a's henow Rahab Diek.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Ysay 32:6

Rag an foll a gews follneth, ha' y golonn a wra droktra: ev a wra taklow didhuw, ow kewsel falsuri a-dro dhe'n Arloedh, ow kul gwag enev an den nownek hag ow skonya ri dowr dhe'n den mayth eus syghes dhodho.

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 10:12

Ev yw neb a wrug an nor der y nerth, ev re fondyas an nor der y furneth hag ystynn an nevow der y dhoethter.

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Yeremia 36:32

Ena Yeremia a gemmeras ken rol-skrifa ha'y ri dhe Baruk an skrifennyas, mab Neria, neb a skrifas warnedhi a-dhiworth ganow Yeremia oll geryow an rol-skrifa re losksa Yehoyakim myghtern Yuda y'n tan; ha lies ger kehaval a veu keworrys dhedha.

Ezekiel 29:6

Ena oll trigoryon Ejyp a woer my dhe vos an Arloedh, rag ty re beu lorgh a gorsenn dhe ji Ysrael.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Zekaria 1:6

Yn hwir, ow geryow ha'm ordenansow, a erghis dhe'm gwesyon an brofoesi, a ny dhrehedhsons dh'agas tasow? Ena i a gavas edrek ha leverel, ‘Par dell vynnas Arloedh an luyow gul dhyn rag agan fordhow ha'gan oberow, yndella y hwrug ev dhyn.’

Niverow 10:35

Ha peskweyth mayth e an argh yn-kerdh, Moyses a leveri, ‘Sav, A Arloedh, ha gas dha eskerens dhe vos skattrys; ha gas i a'th kas dhe fia a-dheragos.’

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Matthew 24:35

Nev ha nor a dremen dhe-ves, mes ow geryow vy, ny dremenons dhe-ves.

Romanyon 16:27

re bo dhe'n unn Duw fur golewder bys vykken dre Yesu Krist: Amen.

Yoshua 23:15

Mes par dell hwarva ragowgh pup-tra da a ambosis an Arloedh agas Duw dhywgh, yndella ynwedh an Arloedh a dhre warnowgh oll an droktraow, bys pan y'gas distruis dhiworth an tir da re ros an Arloedh agas Duw dhywgh.

Lyther Yud 1:25

dhe'n unn Duw agan Selwyas, dre Yesu Krist agan Arloedh, dhodho re bo gordhyans, meuredh, mestrynses, ha galloes kyns pub oes ha lemmyn ha bys vynnari. Amen.

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.