Ysay 31:1 - An Bibel Kernewek 20234 (Kernewek Kemmyn)

¹ Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 31:1 ပူးပေါင်းရင်းမြစ်များ

Jenesis 47:17

Ytho i a dhros aga enyvales dhe Yosep, ha Yosep a ros dhedha bara yn attal a'n vergh ha'n flokkys ha'n gwarthek, hag a'n asenes, hag ev a brovias dhedha bara yn attal rag oll aga enyvales der an vlydhen na.

2 Kroniklys 16:7

Y'n termyn na an gwelesydh Hanani a dheuth dhe Asa myghtern Yuda, hag a leveris dhodho, ‘Drefenn ty dhe fydhya yn myghtern Aram, a-der fydhya y'n Arloedh dha Dhuw, lu myghtern Aram re dhienkas dhiworthis.

2 Kroniklys 16:9

Rag dewlagas an Arloedh a wander dres oll an norvys rag krevhe an re hag yth yw aga holonn lel dhodho. Ty re wrug tra foll y'n dra ma; rag alemma rag ty a' fydh breselyow.’

Job 39:11

A yllydh fydhya ynno drefenn y grevder, ha gasa dhodho dha lavur poes?

Salmow 20:7

Re a drest yn charettow ha re yn mergh; mes ni a berth kov a hanow an Arloedh agan Duw.

Ysay 10:17

Golow Ysrael a vydh avel tan, ha'y Sans avel flamm; hag ev a lesk ha devorya y spedhas ha'y spern yn unn jydh.

Ysay 2:7

Y wlas yw lenwys a arghans hag owr, ha nyns eus diwedh dh'y dresoryow. Y wlas yw lenwys a vergh; ha nyns eus diwedh dh'y jarettow.

Ysay 20:5

I a vydh dyegrys, ha meth a's tevydh drefenn Kush aga govenek, hag Ejyp aga glori.

Ysay 22:11

Hwi a wrug kreun ynter an dhiw fos rag dowr an poll koth, mes ny virsowgh orth y Wrier na gweles neb a'n furvyas nans yw pell.

Ysay 30:16

Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Ysay 36:6

Otta, ty a fydh yn lorgh an gorsenn drogh ma, Ejyp, a enter ha gwana leuv an gour a boes warnedhi. Yndella yw Faro myghtern Ejyp, dhe vyns a drest ynno.

Ysay 36:9

Fatell yllydh treylya dhe-ves fas unn soedhek yn mysk an lyha a servysi ow arloedh, ha ty ow fydhya yn Ejyp rag charettow ha marghogyon?

Ysay 43:15

My yw an Arloedh, agas Sans, formyer Ysrael, agas myghtern.

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Ysay 57:9

Ty a vyajyas dhe Molek gans oyl hag ynkressya dha velysethow. Ty a dhannvonas dha gannasow pell ha dannvon yn-nans bys yn ifarn.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 9:12

Aram a-rag ha'n Filistysi a-dryv; hag i re dhevoryas Ysrael gans anow igor. Yn despit dhe oll hemma ny dreylyas y sorr, ha'y leuv yw hwath ystynnys.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 2:13

rag ow fobel re wrug dew dhrogedh; i re'm eskasas, an fenten a dhowrow bew, ha treghi yn-mes dowrarghow, dowrarghow terrys na yll synsi dowr.

Yeremia 37:7

Yndellma y lever an Arloedh, Duw Ysrael: Yndellma hwi a lever dhe vyghtern Yuda, a'gas tannvonas dhymm dhe wovynn a-dro dhymm: Lu Faro esa ow tos dh'agas gweres, a dhehwel dhe Ejyp, dh'aga thir aga honan.

Yeremia 42:14

ow leverel, “Na, mes ni a vynn mos yn pow Ejyp, le ma na welyn bresel, na klewes son an hirgorn, na bos nownek rag bara, hag ena y trigyn”,

Ezekiel 17:15

Mes ev a rebellyas er y bynn, ow tannvon y gannasow dhe Ejyp, dhe ri dhodho mergh ha lu bras. A yll bos seweni? A yll skapya, neb a wra yndella? A yll terri kevambos ha skapya?

Ezekiel 29:16

Ny wra chi Ysrael fydhya ynna arta; i a berth kov a'ga hammweyth pan dreylsons dhedha rag gweres. Ena i a woer my dhe vos an Arloedh Duw.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Hosea 11:5

Ny dhehwel dhe bow Ejyp, mes Assyria a vydh y vyghtern, rag i a skonyas a dhehweles dhymm.

Hosea 11:9

Ny gowlwrav ow honnar fell; ny dhehwelav dhe dhistrui Efraym: rag Duw ov vy a-der gour; an Sans yn agas mysk, ha ny dhov vy yn sorr.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 7:7

I oll yw mar doemm avel forn, hag i a dhevoryas aga breusydhyon. Oll aga myghternedh re goedhas, ha ny wra nagonan anedha gelwel warnav.

Habakkuk 1:12

A ny veus a'n dalleth, A Arloedh, ow Duw sans? Ny verwyn. A Arloedh, ty re's ordenas rag breus; A Garrek, ty re's fondyas rag keredh.

Habakkuk 3:3

Duw a dheu dhiworth Teman, ha'n Sans dhiworth menydh Paran. Sela. Y veuredh re gudhas an nevow, ha'y wormola re lenwis an nor.

Zekaria 10:5

I a vydh avel kasoryon alloesek ow stankya yn leys an stretow yn batel. I a omladh, drefenn bos an Arloedh gansa, hag i a wra bismer dhe varghogyon an vergh.

Dewteronomi 17:16

Saw na geves dhodho y honan niver bras a vergh, ha na wres dhe'n bobel dehweles dhe Ejyp rag may kaffons mergh moy, rag an Arloedh re leveris dhywgh, ‘Na dhehwelewgh nevra y'n fordh ma arta.’

Dewteronomi 20:1

Pan ewgh mes dhe'n gas erbynn dha eskar ha gweles mergh ha charettow, pobel moy agesos, na borth own anedha, drefenn an Arloedh dha Dhuw dhe vos genes, neb a'th tros yn-bann yn-mes a bow Ejyp.