Ysay 30:7 - An Bibel Kernewek 20234 (Kernewek Kemmyn)

⁷ Gweres Ejyp yw euver ha diles. Rakhenna my a's henow Rahab Diek.

Ysay 30:7 ပူးပေါင်းရင်းမြစ်များ

Job 9:13

‘Ny wra Duw kildenna y sorr; yn-danno yth ombleg gweresoryon Rahab.

Salmow 87:4

My a venek Rahab ha Babylon orth an re a'm aswonn; a-dro dhe Filistia ha Tyr hag Ethiopia y leverir, ‘Hemma a veu genys ena.’

Salmow 89:10

Ty re vrewis Rahab dhe eneworres; ty re skattras dha eskerens gans nerth dha vregh.

Eksodus 14:13

Ha Moyses a leveris dhe'n bobel, ‘Na berthewgh own, sevewgh fyrv ha gweles selwyans an Arloedh a wra oberi ragowgh hedhyw; rag an Ejyptianys a welowgh hedhyw, ny wrewgh aga gweles nevra arta.

Lavarow Koth 25:19

Avel dans brew po troes klof yw fydhyans yn den dislel y'n termyn a dhregynn.

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Ysay 20:6

Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’

Ysay 28:12

dhedha may leveris ‘Homm yw an bowesva, gwrewgh an den skwith dhe bowes, ha hemm yw tyller diskwitha’, mes ny vynnens klewes.

Ysay 30:15

Rag yndellma y lever an Arloedh Duw, Sans Ysrael: Yn edrega ha powes hwi a vydh selwys, yn kosoleth ha fydhyans y fydh agas nerth, mes ny'n mynnewgh.

Ysay 30:5

pubonan a vydh methek dre bobel nag yw dhe les ragdha, na dhre naneyl gweres na les, mes meth ha keredh maga ta.

Ysay 36:9

Fatell yllydh treylya dhe-ves fas unn soedhek yn mysk an lyha a servysi ow arloedh, ha ty ow fydhya yn Ejyp rag charettow ha marghogyon?

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 7:4

Ty a lever dhodho, Bydh war, hag omwith kosel. Na borth own, na vydh digolonnek drefenn an dhew stokk ma a yttewi ow megi, drefenn sorr fers Resin hag Aram ha mab Remalia.

Yeremia 37:7

Yndellma y lever an Arloedh, Duw Ysrael: Yndellma hwi a lever dhe vyghtern Yuda, a'gas tannvonas dhymm dhe wovynn a-dro dhymm: Lu Faro esa ow tos dh'agas gweres, a dhehwel dhe Ejyp, dh'aga thir aga honan.

Kynvannow 3:26

Da yw, pan wortir yn tawesek selwyans an Arloedh.

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.