Ysay 30:33 - An Bibel Kernewek 20234 (Kernewek Kemmyn)

³³ Rag Tofeth re beu ordenys a hirneth, ynwedh parys yw rag an myghtern. Re beu gwrys down ha ledan, gans tan ha palster a brenn. Anall an Arloedh avel gover a loskven a wra y enowi.

Ysay 30:33 ပူးပေါင်းရင်းမြစ်များ

2 Myghternedh 23:10

Ev a dhefolas Tofeth usi yn nans Ben-hinnom, ma na wrella denvyth dhe vab po dhe vyrgh tremena dre dan avel offrynn dhe Molek.

Yeremia 19:6

Ytho, otta, an dydhyow a dheu, yn-medh an Arloedh, ma na vydh gelwys na fella an tyller ma Tofeth, na nans mab Hinnom, mes nans an Ladhva.

Jenesis 19:24

Ena an Arloedh a asas glaw loskven dhe goedha war Sodom ha Gomorra ha tan dhiworth an Arloedh yn-mes a nev.

1 Peder 1:8

neb a gerowgh heb y weles, ha heb y weles hwath mes ow krysi ynno, hwi a lowenha ynno gans joy dres lavar ha gloryus,

Ebrowyon 13:8

Yesu Krist yw an keth de ha hedhyw ha bys vykken.

Matthew 25:41

‘Ena y hwra ev leverel ynwedh dhe'n re a'n barth kledh, “Kewgh a-dhiworthiv, hwi dus villiges, dhe'n tan heb diwedh yw darbarys dhe'n jowl ha'y eledh.

Matthew 4:22

Ha desempis i a asas an gorhel ha'ga thas hag a'n siwyas.

Lyther Yud 1:4

Rag entra yn unn slynkya yn-dann gel re wrug sertan re a veu seuladhydh apoyntys dhe'n dampnasyon ma, tus dhidhuw a dreyl gras agan Duw bys yn drokhwans ha nagha agan unn mester hag Arloedh, Yesu Krist.

Ysay 37:38

Hag y hwarva, pan esa ow kordhya yn chi Nisrok y dhuw, Adrammelek ha Shareser y vebyon a'n ladhas gans an kledha, hag i a skapyas dhe bow Ararat. Hag Esarhaddon y vab a reynyas yn y le.

Job 4:9

Gans anall Duw yth ons dhe goll, ha gans hwyth y sorr yth yns devorys.

Ysay 10:17

Golow Ysrael a vydh avel tan, ha'y Sans avel flamm; hag ev a lesk ha devorya y spedhas ha'y spern yn unn jydh.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Ysay 34:9

Goverow Edom a vydh treylys dhe byg, hy doust dhe loskven, ha'y thir dhe byg loskvann.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Ezekiel 21:31

My a dhinwa ow sorrvann warnas; gans tan ow honnar y hwithav warnas. My a'gas re yn leuv gwer vilus, skentel yn distruyans.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Dewteronomi 4:24

Rag an Arloedh dha Dhuw yw tan ow tevorya, Duw avius.

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Daniel 11:36

‘Ha'n myghtern a wra herwydh y vodh; ev a omughelha hag omvostya a-ugh pub duw, ha leverel taklow euthyk erbynn Duw an duwow. Ev a sewen bys may fydh kowlwrys an sorr, rag an pyth apoyntys a vydh gwrys.