Ysay 30:32 - An Bibel Kernewek 20234 (Kernewek Kemmyn)

³² Pub strekys a welenn an geredh a wra an Arloedh y worra warnodho a vydh gans son tabouryow ha sowtris, hag ev owth omladh orta yn batel gans strokosow y vregh.

Ysay 30:32 ပူးပေါင်းရင်းမြစ်များ

Jenesis 31:27

Prag y hwruss'ta fia yn-dann gel ha'm toella, ha ny wruss'ta y dherivas dhymm, may hwrellen dha dhannvon yn-kerdh gans lowena ha gans kanow, gans tabourik ha gans sowtri,

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

Job 16:12

Attes en vy, mes ev a'm brewis; ev a'm sesyas er kil ow honna, ha'm shakya dhe demmigow. Ev a'm settyas yn-bann avel y gostenn,

Ysay 10:24

Rakhenna yndellma y lever an Arloedh, Duw an luyow: Ow fobel, trigys yn Sion, na borth own a Assyria neb a'th wysk gans gwelenn, ha drehevel y lorgh er dha bynn, dell wrug Ejyp.

Ysay 10:26

Arloedh an luyow a wra dhe skorja difuna er aga fynn, kepar dell weskis Midyan orth karrek Oreb, ha'y lorgh a vydh war an mor, kepar hag yn Ejyp.

Ysay 11:15

An Arloedh a rann taves mor Ejyp; ev a wev y leuv war an avon gans nerth y wyns, ha'y gweskel yn seyth stredh rag may treusser yn sandalyow;

Ysay 19:16

Y'n jydh na Ejyp a vydh avel benynes. I a gren rag own, a-rag leuv Arloedh an luyow, a wra ev hy shakya er aga fynn.

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 24:1

Awotta'n Arloedh ow gwastya an norvys ha'y dhistrui, ha difasya y enep, ha skattra y drigoryon.

Ysay 24:8

Joy an tabourigow a hedh, tros an re lowen a dhifyk, ha joy an sowtri a hedh.

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Yeremia 31:4

Arta my a'th trehav, ha ty a vydh drehevys, A wyrghes Ysrael! ty a vydh tekhes arta gans dha dabourigow, ha mos yn-rag yn dons an re lowen.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Ezekiel 32:10

My a wra dhe lies pobel bos sowdhenys orthis, ha'ga myghternedh a vydh dyegrys orthis, pan swaysyav ow kledha a-ragdha; ha pub den a gren rag y vewnans pup-prys y'n jydh dha derroes.

Ebrowyon 12:26

Ena y lev a wrug dhe'n dor krena; mes lemmyn ev re ambosas, ow leverel, ‘Unnweyth moy ny wrav unnsel an nor dhe dhegrena mes an nev ynwedh.’

1 Samuel 10:5

Wosa henna ty a dheu dhe Gibeath-elohim le may ma savla-gwithysi an Filistysi. Ena, wosa ty dhe dhos di dhe'n sita, ty a dhyerbynn bagas a brofoesi ow tos yn-nans dhiworth an tyller ughel, hag a-ragdha telynn ha tabourik, ha pib, ha sowtri, hag i a vydh ow profoesa.

1 Samuel 18:6

Pan esens ow tos tre, y'n termyn may tehwelis Davydh dhiworth ladhva an Filistyas, an benynes eth yn-mes a oll sitys Ysrael, ow kana hag ow tonsya, dhe dhyerbynna myghtern Sowl, gans tabourigow, gans kanow a lowena, ha gans daffar menestrouthi.