Ysay 30:30 - An Bibel Kernewek 20234 (Kernewek Kemmyn)

³⁰ An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 30:30 ပူးပေါင်းရင်းမြစ်များ

Job 38:22

‘A entersys yn gwithvaow an ergh, po gweles gwithvaow an keser

Job 38:23

a withis vy rag termyn trobel, rag dydhyow a vatel ha bresel?

Job 40:9

Eus bregh dhis kepar ha bregh Duw, a yll dha lev tarenna kepar ha'y lev ev?

Salmow 2:5

Ena ev a gews orta yn y sorr, ha'ga broweghi yn y gonnar:

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Salmow 98:1

Kenewgh dhe'n Arloedh kan nowydh, rag ev re wrug marthusyon. Y leuv dhyghow ha'y vregh sans re wrug budhogoleth ragdho.

Eksodus 15:16

own hag euth a goedh warnedha; drefenn meuredh dha vregh, i yw kosel avel men, erna dremenno dha bobel, A Arloedh, erna dremenno dha bobel re brensys.

Eksodus 9:23

Ena Moyses a ystynnas y welenn war-tu ha nev; ha'n Arloedh a dhannvonas taran ha keser, ha tan a resas dhe'n nor. Ha'n Arloedh a lesas keser war bow Ejyp;

Eksodus 9:24

yth esa keser, ha tan owth omdhiskwedhes yn mysk an keser, keser pur vras, a'n par na veu gwelys bythkweth yn pow Ejyp oll a-ban dheuth ha bos kenedhel.

Ysay 10:16

Rakhenna an Arloedh, Arloedh an luyow, a dhannvon kleves gwastyans yn mysk y gasoryon gorfek, hag yn-dann y wolewder loskvann a vydh enowys avel an losk a dan.

Ysay 10:26

Arloedh an luyow a wra dhe skorja difuna er aga fynn, kepar dell weskis Midyan orth karrek Oreb, ha'y lorgh a vydh war an mor, kepar hag yn Ejyp.

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 28:2

Otta, yma dhe'n Arloedh onan yw krev ha galloesek, kepar ha tewedh keser, annawel terroesus, kepar ha tewedh dowrow meur ow fenna. Gans y leuv ev a's deghes yn-nans dhe'n nor.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 30:31

Rag Assyria a vydh brewys gans lev an Arloedh, pan wra ev aga gweskel gans y welenn.

Ysay 31:4

Rag yndellma y leveris an Arloedh dhymm: Kepar dell romm lew po lew yowynk erbynn y breydh, pan vo routh a vugeledh gelwys er y bynn, ny berth own a'ga lev na ny'n jeves euth aga thros, yn kettella Arloedh an luyow a dhiyskynn dhe vatalyas war venydh Sion, ha war hy bronn.

Ysay 32:19

Kyn fo an koeswik terrys yn-nans gans keser, ha'n sita levenhes orth an dor,

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 4:6

Hi a vydh goskes dhe woskeusi rag syghor dydhweyth, ha skovva ha kudh rag tewedh ha glaw.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 52:10

An Arloedh re dhislennis y vregh sans a-rag dewlagas an kenedhlow oll, hag oll pennow an norvys a wel selwyans agan Duw.

Ysay 62:8

An Arloedh re dos ren y vregh dhyghow ha re vregh y nerth: Ny rov dha reun arta avel boes rag dha eskerens, ha ny yv mebyon estren dha win nowydh a lavursys ragdho;

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 25:32

Yndellma y lever Arloedh an luyow: Otta, drogedh a yn-rag a genedhel dhe genedhel, ha korwyns meur a vydh difunys a bella rannow an nor.

Ezekiel 10:5

Son eskelli an cherubim o klewys bys y'n klos a-ves, kepar ha lev Duw Ollgalloesek pan usi ow kewsel.

Ezekiel 13:13

Rakhenna yndellma y lever an Arloedh Duw: My a wra dhe annawel hy folsa y'm sorr, ha glaw a liv yn-nans y'm konnar, hag y fydh keserennow yn sorrvann dh'y distrui.

Yoel 2:5

Kepar ha gans tros charettow, lemmel a wrons war bennow an menydhyow, avel tros flamm tan ow tevorya an sowl, avel pobel grev arayys rag kas.

Amos 1:14

Ytho my a worr tan yn fos Rabba, dhe dhevorya hy falesyow gans garm yn dydh an gas, gans annawel yn dydh an korwyns;

Mika 1:4

Ha'n menydhyow a wra teudhi yn-danno ha'n nansow a vydh folsys, avel koer a-rag an tan, avel dowrow diverys war leder serth.

Matthew 24:7

Rag kenedhel a sev erbynn kenedhel ha gwlaskor erbynn gwlaskor hag y hwyrvydh divoetter ha dorgrysyow yn divers tylleryow.

Luk 1:51

Ev re dhiskwedhas nerth der y vregh, ev re skattras an re woethus yn preder aga holonn.

2 Thessalonianys 1:8

yn tan ow flammya, ow kul dial war an re na aswonn Duw ha'n re nag yw gostydh dhe aweyl agan Arloedh Yesu.

Yoshua 10:10

An Arloedh a's gorras yn deray a-rag Ysrael, hag i a's gweskis glan orth Gibeon, ha'ga chasya war fordh-yskynna Beth-horon, ha'ga gweskel bys Azeka ha bys Makkeda.

Yoshua 10:11

Pan esens ow fia a-rag Ysrael war an fordh yn-nans dhe Beth-horon, an Arloedh a dewlis keserennow bras warnedha dhiworth nev bys Azeka, hag i a verwis; moy anedha a verwis drefenn an keserennow es dell veu ledhys gans kledhedhyow an Ysraelysi.

Diskwedhyans 1:15

ha'y dreys o kepar ha brest fin purhes kepar hag yn fornes, ha'y lev kepar ha son lies dowr.

Diskwedhyans 11:19

Ha tempel Duw yn nev a veu igerys hag argh y gevambos a veu gwelys yn y dempel hag y feu lughesennow ha sonyow ha taranow ha dorgrys, ha keser meur.

1 Samuel 7:10

Pan esa Samuel owth offrynna yn-bann an offrynn leskys, an Filistysi a dheuth nes dhe vatalyas orth Ysrael; mes an Arloedh a darennas gans lev bras an jydh na war an Filistysi ha'ga thewlel yn deray; ha domhwelys ens a-dherag Ysrael.