Ysay 30:3 - An Bibel Kernewek 20234 (Kernewek Kemmyn)

³ Mes nerth Ejyp a vydh meth dhywgh, ha trestya yn goskes Ejyp a vydh disenor.

Ysay 30:3 ပူးပေါင်းရင်းမြစ်များ

2 Myghternedh 18:21

Otta, lemmyn yth esos ow fydhya yn Ejyp, an lorgh a gorsenn derrys na a wan leuv pubonan a boes warnedhi. Yndella yth yw Faro myghtern Ejyp, dhe bubonan a fydh ynno.

Salmow 108:12

Ro dhyn gweres erbynn an eskar, rag euver yw gweres den.

Lavarow Koth 25:19

Avel dans brew po troes klof yw fydhyans yn den dislel y'n termyn a dhregynn.

Ysay 20:5

I a vydh dyegrys, ha meth a's tevydh drefenn Kush aga govenek, hag Ejyp aga glori.

Ysay 20:6

Annedhyas an arvor ma a lever y'n jydh na, “Otta hemm yw agan govenek may fisyn dhodho rag gweres, dh'agan delivra dhiworth myghtern Assyria! Ytho fatell yllyn ni skapya?” ’

Ysay 36:6

Otta, ty a fydh yn lorgh an gorsenn drogh ma, Ejyp, a enter ha gwana leuv an gour a boes warnedhi. Yndella yw Faro myghtern Ejyp, dhe vyns a drest ynno.

Yeremia 2:36

Prag yth yw trufel y'th wolok chanjya dha fordh? Ty a' fydh meth a Ejyp ynwedh, dell y'th o meth a Assyria.

Yeremia 42:18

‘Rag yndellma y lever Arloedh an luyow, Duw Ysrael: Par dell veu diverys ow sorr hag ow honnar war annedhysi Yerusalem, yndellma ow honnar a vydh diverys warnowgh pan ewgh dhe Ejyp. Hwi a vydh molleth, hag euth, ha milliga ha keredh. Ny welowgh an tyller ma namoy.

Yeremia 42:22

Godhvydhewgh ytho yn ta, hwi a verow gans an kledha, gans an divoetter ha gans an pla y'n tyller may fynnowgh mos ha triga.’

Yeremia 46:25

Arloedh an luyow, Duw Ysrael, a leveris: Otta, my a dhre kessydhyans war Amon a Thebes, ha Faro, hag Ejyp, ha'ga duwow ha'ga myghternedh, war Faro ha'n re a fydh ynno.

Ezekiel 29:7

Pan y'th talghennsons er dha leuv ty a veu terrys, ha ty a skwardyas oll aga skoedhow; ha pan boessons warnas ty a veu terrys ha gul dhe oll aga diwglun krena.

Hosea 10:6

Ev ynwedh a vydh dres dhe Assyria avel ro dhe'n myghtern meur. Efraym a'n jevydh meth, hag Ysrael a vydh methek a'y gusul.

Romanyon 10:11

Rag an skryptor a lever, ‘Ny'n jevydh meth neb a grysso ynno.’

Romanyon 5:5

ha ny fyll govenek dhyn, rag kerensa Duw dhe vos dinewys yn agan kolonn der an Spyrys Sans re beu res dhyn.