Ysay 30:29 - An Bibel Kernewek 20234 (Kernewek Kemmyn)

²⁹ Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 30:29 ပူးပေါင်းရင်းမြစ်များ

Salmow 18:31

Rag piw yw Duw marnas an Arloedh? Ha piw yw karrek saw agan Duw ni? –

Salmow 32:7

Ty yw ow hovva, ty a'm gwith rag anken; ty a dheu a-dro dhymm gans kanow livreson. Sela.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 42:5

Prag yth osta jy mar dhigolonnek, ow enev, ha prag yth hanesydh a-bervedh ynnov? Trest yn Duw; rag my a'n gormel prest rag selwyans y fas.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 26:1

Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 26:4

Trestyewgh y'n Arloedh bynnari rag an ARLOEDH DUW yw karrek bys vykken.

Ysay 30:28

Y hwyth yw avel avon ow fenna ow trehedhes bys an konna, dhe groedra an kenedhlow gans kroeder a dhistruyans, ha gorra fronn war dhiwen an bobel a wra dhedha mos yn stray.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Levitikus 23:32

Y fydh sabot solem ragowgh ha hwi a omjasti. Yn nawves dydh an mis y'n gorthugher, a'n gorthugher bys y'n gorthugher hwi a with agas sabot.

Matthew 26:30

Ha wosa i dhe gana hymna yth ethons dhe'n menydh Oliv.

Dewteronomi 16:14

Lowenha y'th ty'goel, ty ha'th vab, ha'th vyrgh, ha'th was, ha'th vaghteth, ha'n Levyas, ha'n alyon, ha'n omdhivas, ha'n wedhwes usi y'th yetys.

Dewteronomi 16:6

marnas an tyller a wra an Arloedh dha Dhuw y dhewis dhe wul dh'y hanow triga ynno. Ena ty a sakrifi an pask gorthugherweyth, pan sedh an howl, y'n termyn may teuthys yn-mes a Ejyp.

Dewteronomi 32:31

Rag nyns yw aga harrek i haval dh'agan Karrek ni, dell yll agan eskerens aga honan breusi.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Diskwedhyans 15:3

Hag i a gan kan Moyses gwas Duw, ha kan an Oen, ow leverel, ‘Bras ha marthys yw dha wriansow, A Arloedh Duw Ollgalloesek; ewn ha gwir yw dha fordhow, A Vyghtern an kenedhlow.