Ysay 30:27 - An Bibel Kernewek 20234 (Kernewek Kemmyn)

²⁷ Otta, hanow an Arloedh a dheu a bellder, gans sorr ow leski, ha gans mog tew ow mos yn-bann; y dhiwweus yw leun a sorrvann, ha'y daves yw avel tan ow tevorya.

Ysay 30:27 ပူးပေါင်းရင်းမြစ်များ

Salmow 79:5

Pygemmys prys, A Arloedh? A vydhydh serrys bynitha? A lesk dha avi avel tan?

Ysay 10:5

Ogh, Assyria, gwelenn ow sorr! an fust yn aga leuv yw ow honnar.

Ysay 13:5

I a dheu a dir pell, dhiworth pennow nev, an Arloedh hag arvow y sorrvann, dhe dhistrui an norvys oll.

Ysay 33:12

An poblow a vydh leskys avel lim; avel spern treghys, leskys vydhons y'n tan.’

Ysay 33:14

An beghadoryon yn Sion a berth own; kren a dhalghenn an re dhidhuw: ‘Piw ahanan a yll triga gans an tan a dhevor? Piw ahanan a yll triga gans flammow a dhur bys vykken?’

Ysay 34:9

Goverow Edom a vydh treylys dhe byg, hy doust dhe loskven, ha'y thir dhe byg loskvann.

Ysay 43:2

Pan dremenydh der an dowrow y fydhav genes, ha der an avonyow, ny livons warnas; pan gerdhydh dre dan, ny vydhydh leskys, ha ny wra an flamm dha woleski.

Ysay 59:19

Ytho i a berth own a hanow an Arloedh a'n howlsedhes, hag a'n howldrevel i a berth own a'y glori. Pan dheu envi avel liv, ena spyrys an Arloedh a'n fes.

Ysay 66:14

Hwi a wel henna, ha'gas kolonn a lowenha; ha glasa a wra agas eskern avel gwels; leuv an Arloedh a vydh aswonnys dh'y servysi, ha'y sorr orth y eskerens.

Ysay 66:15

Rag otta, an Arloedh a dheu gans tan, ha'y jarettow avel korwyns, dhe attyli y sorr gans konnar, ha'y geredh gans flammow tan.

Ysay 9:5

Rag pub botasenn ow trettya yn tervans an gas, ha pub mantell rolys a-dro yn goes a vydh leskys, keunys dhe'n tan.

Yeremia 4:4

Omdrodreghewgh dhe'n Arloedh ha kemmerewgh dhe-ves kudhgenn agas kolonn, hwi wer Yuda ha trigoryon Yerusalem, ma nag ello ow honnar yn-mes avel tan, ha leski, heb denvyth dh'y dhifeudhi, drefenn drogedh agas gwriansow.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Daniel 7:10

Liv a dan a resa ha tardha dhiworto; milvil a'n servya, hag yth esa ow sevel dheragdho deg milweyth deg mil. An vreuslys a esedhas, ha'n lyvrow a veu igerys.

Daniel 7:9

Ha my ow mires, yth esa tronys settys yn-bann, ha'n Koth a'n dydhyow a esedhas; kann avel an ergh o y wisk, ha'y wols avel gwlan glan; flammow tan o y dron ha dhodho rosow a dan ow tewi.

Sefania 3:8

Rakhenna gwrewgh ow gortos, yn-medh an Arloedh, bys y'n jydh pan savav avel dustunier: rag kuntell an kenedhlow yw ow bodh may keskorrav an gwlaskordhow rag dinewi warnedha ow sorrvann, oll ow sorr fers; rag oll an norvys a vydh devorys gans tan ow avi.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.

Dewteronomi 33:2

Ev a leveris: An Arloedh a dheuth dhiworth Sinay, ha tardha warnedha dhiworth Seir; ev a splannas dhiworth menydh Paran, hag ev a dheuth gans degow a vilyow a syns; ha tan a flammyas dhiworth y leuv dhyghow.

Dewteronomi 4:24

Rag an Arloedh dha Dhuw yw tan ow tevorya, Duw avius.

2 Thessalonianys 2:8

Hag ena an den dilagha a vydh diskudhys, neb a wra an Arloedh Yesu y dhistrui gans anall y anow, ha'y dhiswul dre diskwedhyans y dhevedhyans,

Ebrowyon 12:29

rag agan Duw yw tan a gowllesk.