Ysay 30:20 - An Bibel Kernewek 20234 (Kernewek Kemmyn)

²⁰ Kyn rollo an Arloedh dhywgh bara fienasow ha dowr galar, ny vydh dha dhyskadoryon kudhys namoy, mes dha dhewlagas a wel dha dhyskadoryon.

Ysay 30:20 ပူးပေါင်းရင်းမြစ်များ

1 Myghternedh 22:27

ha leverel, “Yndellma y lever an myghtern: Gorr an gwas ma y'n prison, ha'y voesa orth ewnrannow lehes a vara hag a dhowr bys pan dhov yn kres.” ’

2 Kroniklys 18:26

ha lavar, “Yndella a lever an myghtern: gorr an polat ma y'n prison, ha'y vaga orth boghes ewnrannow a vara ha dowr bys pan dhehwelliv yn kres.” ’

Salmow 102:9

Rag my re dhybris lusu avel bara, ha kemmyska ow diwes gans oelva,

Salmow 127:2

Euver ragowgh hwi yw sevel a-varr, ha powes helergh, ow tybri an bara a lavuryow; rag yndella y re ev hun dh'y garadow.

Salmow 30:5

Rag ny dhur y sorr saw pols byghan; yn y ras yma bewnans. Oelva a dhur dres an nos, mes lowena a dheu y'n myttin.

Salmow 74:9

Ny welyn agan toknys, nyns eus profoes byth moy, ha nyns eus yn agan mysk neb a wodhvo pygemmys prys.

Salmow 80:5

Ty re's magas gans bara dagrow, ty re ros dagrow dhedha dhe eva dres musur.

Ysay 28:9

‘Dhe biw y tysk ev skians? ha dhe biw y styr ev an messaj? An re didhenys dhiworth leth, an re diberthys dhiworth an dhiwvronn?

Ysay 33:16

ev a vydh trigys y'n ughelderyow, dinasow an karregi a vydh y skovva; y vara a vydh res dhodho, ha ny fyll dowr dhodho.

Ysay 51:14

Delivrys vydh yn skon an re gweskys dhe'n dor yn kargharow; ny verwons y'n pytt, na ny fyllons a vara.

Matthew 9:38

pysewgh ytho Arloedh an drevas may tannvonno gonisysi bys yn y drevas.’

Oberow 14:22

ow surhe spyrys an dhyskyblon ha'ga ynnia pesya y'n fydh, ha leverel y tegoedh dhyn dre lies galar entra yn gwlaskor Duw.

Efesianys 4:11

Hag ev a ros re dhe vos abesteli, re profoesi, re aweylers, re bugeledh ha dyskadoryon,

Dewteronomi 16:3

Na dheber ganso travyth gans goell ynno. Seyth dydh ty a dheber bara heb goell, bara galar, rag ty a dheuth yn-mes a bow Ejyp yn unn fyski, rag may perthi kov a'n jydh may teuthys yn-mes a bow Ejyp, oll dydhyow dha vewnans.