Ysay 30:19 - An Bibel Kernewek 20234 (Kernewek Kemmyn)

¹⁹ Ytho an bobel yn Sion, trigys yn Yerusalem, ny oel namoy. Ev a gemmer truedh ahanas orth son dha gri; kettell y'n klew, ev a'th worthyp.

Ysay 30:19 ပူးပေါင်းရင်းမြစ်များ

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Ysay 10:24

Rakhenna yndellma y lever an Arloedh, Duw an luyow: Ow fobel, trigys yn Sion, na borth own a Assyria neb a'th wysk gans gwelenn, ha drehevel y lorgh er dha bynn, dell wrug Ejyp.

Ysay 25:8

Ev a gollenk ankow bys vykken. An Arloedh Duw a sygh an dagrow dhiworth pub fas; ha kemmeres mewl y bobel dhe-ves a-dhiwar oll an norvys, rag an Arloedh re gewsis.

Ysay 33:2

A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 35:10

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy, ha tristyns ha hanasa a fi dhe'n fo.

Ysay 41:17

Pan hwila an voghosogyon ha'n edhommogyon dowr, ha nyns eus banna, ha krin yw aga thaves gans syghes, my an Arloedh a worthyp dhedha, my, Duw Ysrael, ny's gasav.

Ysay 46:13

My a dhre ow ewnder yn ogas, ny vydh pell, ha'm selwyans, ny wra ev strechya. My a re selwyans dhe Sion, ha dhe Ysrael y rov ow splannder.

Ysay 58:9

Ena ty a elow, ha'n Arloedh a worthyp; ty a gri rag gweres hag ev a lever, Awotta vy. Mar kemmerydh dhe-ves an yew a dhiworthis, ystynnans an bys, ha kows spitus;

Ysay 60:20

Ny sedh dha howl byth moy, na ny leha dha loer; ha diwedha a wra dydhyow dha gynvann; an Arloedh a vydh dhis golow bys vykken, ha dydhyow dha gynvann a dheu dhe dhiwedh.

Ysay 65:18

Mes lowenhewgh ha bedhewgh heudhik bys vykken y'n pyth a wrav y greatya; rag awottavy ow kreatya Yerusalem dhe vos joy, ha'y fobel heudhder.

Ysay 65:19

My a lowenha yn Yerusalem ha bos heudhik y'm pobel; ny vydh klewys son oelva ynni, na son kri rag gweres na fella.

Ysay 65:24

Kyns i dhe elwel, my a worthyp; aga klewes, hag i hwath ow kewsel.

Ysay 65:9

My a dhre has yn-mes a Yakob, hag yn-mes a Yuda nebonan dhe erita ow menydhyow, hag ow re dhewisys a's erit, ha'm servysi a drig ena.

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 31:12

Ytho i a dheu ha kana yn ughel war ughelder Sion, ha splanna drefenn dader an Arloedh, drefenn an greun, ha'n gwin ha'n oyl, ha re yowynk an flokk, ha'n gre; aga bewnans a vydh avel lowarth dowrhes, ha ny vydhons digolonnek namoy.

Yeremia 31:16

Yndellma y lever an Arloedh: Gwith dha lev rag oela, ha'th tewlagas rag dagrow; rag dha ober a vydh gobrys, yn-medh an Arloedh: i a dhehwel a-dhiworth tir an eskar;

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Yeremia 50:28

Klewir son an re a fi, hag a skap yn-mes a bow Babylon, dhe dheklarya yn Sion dial an Arloedh agan Duw, dial rag y dempel.

Yeremia 51:10

An Arloedh re dhros yn-mes agan gwiryow: dewgh, derivyn yn Sion ober an Arloedh agan Duw.

Ezekiel 20:40

Rag war ow menydh sans, war venydh ughel Ysrael, yn-medh an Arloedh Duw, oll chi Ysrael, i oll, a wra ow servya ena y'n tir; eno my a wra aga degemmeres. Ena my a vynn orthowgh agas offrynnow ha'n gwella a'gas sakrifisow gans oll agas taklow sans.

Ezekiel 36:37

Yndellma y lever an Arloedh Duw: Ynwedh my a as dhe ji Ysrael govynn orthiv dhe wul hemma ragdha: dhe voghhe aga thus kepar ha flokk.

Mika 4:9

Ytho, prag y kriydh jy yn ughel? A nyns eus genes myghtern? A verwis dha gusulyador, ma'th synsis gloesow avel benyn ow tineythi?

Luk 6:21

Gwynn agas bys neb a berth nown lemmyn, rag hwi a vydh lenwys. Gwynn agas bys neb a oel, rag hwi a hwerth.

Romanyon 11:26

hag yndella oll Ysrael a vydh selwys, dell re beu skrifys, ‘Y teu an Delivrer yn-mes a Sion, ev a dreyl ansansoleth dhe-ves dhiworth Yakob;

Efesianys 3:20

Lemmyn, dhe neb a yll gul dres pup-tra yn pals dres eghenn moy es dell bysyn na brederyn, war-lergh an galloes a ober ynnon ni,

Diskwedhyans 5:4

Ha my a oelas yn feur rag na veu denvyth kevys gwiw dhe igeri ha redya an rol, na mires orti hi.

Diskwedhyans 7:17

Rag an Oen usi yn kres an tron a wra aga maga ha'ga hembronk bys yn fentynyow dowrow bewnans, ha Duw a wra sygha pub dagrenn a'ga dewlagas.’