Ysay 30:18 - An Bibel Kernewek 20234 (Kernewek Kemmyn)

¹⁸ Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 30:18 ပူးပေါင်းရင်းမြစ်များ

2 Peder 3:9

Nyns yw syger an Arloedh a-dro dh'y ambos, dell syns nebes tus sygerneth dhe vos, mes yma ganso hirwodhevyans yn agas kever, heb mynnes denvyth dhe vos diswrys, mes pub den dhe dhos dhe edrek.

Lavarow Koth 16:20

Neb yw doeth yn y negys a sewen, ha gwynn y vys neb a drest y'n Arloedh.

Ysay 8:17

My a worta an Arloedh neb a gudh y fas dhiworth chi Yakob, hag ynno y fydh ow govenek.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Salmow 34:8

Gwrewgh tastya ha gweles an Arloedh dhe vos da; gwynnvys an den a hwila skovva ynno ev.

2 Peder 3:15

Ha synsewgh hirwodhevyans agan Arloedh dhe vos selwyans, kepar dell skrifas dhywgh agan broder karadow Powl, war-lergh an furneth a veu res dhodho,

Luk 15:20

Ytho ev a sevis yn-bann ha mos dh'y das. Hag ev hwath y'n pellder, y das a'n gwelas, ha piteth a'n jeva, hag ev a boenyas hag a goedhas war y gonna hag amma dhodho.

Ysay 55:8

Rag nyns yw ow frederow vy dha brederow jy, na nyns yw dha fordhow jy, ow fordhow vy, yn-medh an Arloedh.

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Ysay 33:5

An Arloedh yw ughelhes, trigys y'n ughelder; ev a lenow Sion a wirvreus hag ewnder.

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

Yeremia 17:7

Benniges yw an gour a fydh y'n Arloedh, may ma y fydhyans y'n Arloedh.

Jamys 5:11

Otta, ni a's gelow gwynnvys, an re a dhuryas; duryans Job re wrussowgh klewes anodho, ha porpos an Arloedh a welsowgh, bos an Arloedh pur druedhek ha pitethus.

Ysay 5:16

Mes Arloedh an luyow a vydh ughelhes yn gwirvreus, ha'n Duw sans a vydh sanshes yn ewnder.

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.

Efesianys 1:8

a ros dhyn yn hel, yn oll furneth ha konvedhes,

Romanyon 5:20

Mes an lagha a dheuth, rag palshe an kammweythres; mes y'n tyller may palshi pegh, gras a balshi dhe voy,

Oberow 5:31

Duw a ughelhas an gour ma dh'y barth dhyghow avel Rewler ha Selwyas, rag ri edrek dhe Ysrael ha dehwelyans peghosow.

Luk 2:25

Hag otta, yth esa den yn Yerusalem, Simeon y hanow, ha'n den ma o ewnhynsek ha len, ow kortos konfort Ysrael, hag yth esa an Spyrys Sans warnodho.

Malaki 2:17

Hwi re skwithas an Arloedh gans agas geryow. Hwi a lever, ‘Fatell y'n skwithsyn?’ Pan leverewgh ‘Peub neb a wra drog yw da yn golok an Arloedh, hag ev yw pes da anedha’, po ‘Ple'ma an Duw a wirvreus?’

Salmow 2:12

Ymmewgh dhe'n mab, ma na vo serrys, ha na yllowgh dhe goll y'n fordh; rag y sorr a flamm yn skon. Gwynnvys oll an re a hwila skovva ynno ev.

Eksodus 34:6

An Arloedh a dremenas a-ragdho ha gelwel, ‘An Arloedh, an Arloedh, Duw truedhek ha grassyes, lent ow serri ha leun a dregeredh ha lelder,

Efesianys 1:6

dhe wormel splannder y ras a wrontyas dhyn y'n Karadow;

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Ysay 18:4

Yndellma y lever an Arloedh dhymm: My a vydh kosel ha mires dhiworth ow thrigva avel toemmder kler y'n howlsplann, avel kommolenn gluth yn toemmder an drevas.

Salmow 99:4

An Galloesek yw Myghtern hag a gar gwirvreus; ty re fastyas ewnhynseth, ty re wrug gwirvreus hag ewnder yn Yakob.

Salmow 84:12

A Arloedh an luyow, gwynnvys an den a worr y fydhyans ynnos jy.

Job 35:14

Pyseul dhe le, ytho, y hwoslow pan leverydh na yllydh y weles, bos an ken dheragdho ha ty dhe vos orth y wortos.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Hosea 2:14

Ytho, awotta, my a wra hy dynya, ha'y hembronk dhe'n difeyth, ha my a gows yn hegar dhedhi.

Ysay 42:14

Hirneth my re dewis, my re omwithas stag hag omdempra; lemmyn my a gyn avel benyn ow tineythi, my a arm ha dyena.

Ysay 40:31

mes an re a worta an Arloedh a nowydhha aga nerth. I a yskynn gans eskelli avel eryon; i a boen heb bos skwith, i a gerdh heb klamdera.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:17

Ena goeth den a vydh uvelhes, ha balghder tus a vydh iselhes; an Arloedh unnsel a vydh ughelhes y'n jydh na.

Ysay 28:17

My a wra dhe wirvreus bos kordenn-vusura, ha dhe ewnder bos plemmik; keser a skub dhe-ves an skovva a wowyow, ha dowrow a liv dres an gudhva.

Ysay 33:2

A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 42:16

My a hembronk dellyon yn fordh na aswonnons; yn hynsyow na aswonnons y's gidyav. My a dreyl an tewlder a-ragdha dhe wolewder, an tylleryow garow dhe dir leven. An re ma yw an taklow a wrav, ha ny's forsakyav.

Ysay 48:9

A-barth ow hanow my a dhelat ow sorr, a-barth ow gormola y'n lestav ragos, ma na'th tregghiv dhe-ves.

Ysay 61:8

Rag my, an Arloedh, a gar gwirvreus, ha kasa ladrans dre sherewynsi, my a attal dhedha y'm lenduri, ha gul kevambos bys vykken gansa.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Yeremia 42:7

Dhe benn deg dydh y teuth ger an Arloedh dhe Yeremia.

Daniel 12:12

Gwynn y vys neb a worta ha drehedhes bys y'n trydhek kans pymthek dydh warn ugens.

Hosea 1:7

Mes my a gemmer truedh a ji Yuda, ha'ga sawya der an Arloedh aga Duw, ha ny's sawyav gans gwarak, na kledha, na kas, na mergh, na marghogyon.’

Ysay 57:16

Rag ny wrav vy kuhudha bys vykken, na vos serrys bynitha, rag ena spyrys den a wannsa a-ragov, ha'n anall a wrug vy.