Ysay 30:16 - An Bibel Kernewek 20234 (Kernewek Kemmyn)

¹⁶ Hwi a leveris, ‘Na, drefenn ni a fi war vargh’ – rakhenna hwi a fi! ha ‘Ni a varghok war vargh skav’ – rakhenna agas helghysi a vydh skav!

Ysay 30:16 ပူးပေါင်းရင်းမြစ်များ

2 Myghternedh 25:5

Mes lu an Kaldeanys a helghyas an myghtern, ha'y dremena yn plenys Yeriko; oll y lu a veu keskerys dhiworto.

Job 39:11

A yllydh fydhya ynno drefenn y grevder, ha gasa dhodho dha lavur poes?

Salmow 147:10

Nyns eus ganso delit yn nerth an margh, ha ny gemmer ev plesour yn diwarr gour.

Salmow 33:17

Euveredh yw trestya yn margh rag selwyans, ha nyns yw denvyth selwys gans y nerth bras.

Ysay 2:7

Y wlas yw lenwys a arghans hag owr, ha nyns eus diwedh dh'y dresoryow. Y wlas yw lenwys a vergh; ha nyns eus diwedh dh'y jarettow.

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 31:3

An Ejyptianys yw denel a-der Duw; aga mergh yw kig a-der spyrys. Pan wra an Arloedh ystynn y leuv, an gwereser a drebuch ha'n den gweresys a goedh, hag i oll a dhe goll war-barth.

Yeremia 39:4

Ha pan y's gwelas Sedekia myghtern Yuda hag oll an soudoryon, i a fias, ha mos yn-mes a'n sita y'n nos, dre fordh lowarth an myghtern, der an yet ynter an dhiw fos; hag ev eth war-tu ha'n Araba.

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 46:6

Na wres an buan fia na'n kasor diank; dhe'n gogledh ryb an avon Ewfrates i re drebuchyas ha koedha.

Yeremia 52:7

Ena aswa a veu gwrys yn fos an sita; hag oll an soudoryon a fias ha mos yn-mes a'n sita yn nos dre fordh an yet ynter an dhiw fos, ryb lowarth an myghtern, kynth esa an Kaldeanys oll a-dro dhe'n sita. I eth war-tu ha'n Araba.

Kynvannow 4:19

Skaffa veu agan helghysi ages eryon an nevow; war an menydhyow i a'gan chasyas, y'n difeythtir i a'gan kontrewaytyas.

Amos 9:1

My a welas an Arloedh ow sevel ryb an alter, hag ev a leveris: Gwask pennow an pilars erna grenno an treudhow, ha'ga brewi war benn an bobel oll! An rann yw gesys a ladhav gans an kledha; denvyth ny fi dhe-ves, denvyth ny skap.

Mika 1:13

Herness an margh skav dhe'n charett, annedhyades Lakish; dalleth peghes re beus dhe vyrgh Sion, rag ynnos y feu kevys treuspassow Ysrael.

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,