Ysay 30:12 - An Bibel Kernewek 20234 (Kernewek Kemmyn)

¹² Rakhenna yndellma y lever Sans Ysrael: Drefenn hwi dhe dhenagha an ger ma, ha trestya yn arwask ha toell, ha kregi warnedha;

Ysay 30:12 ပူးပေါင်းရင်းမြစ်များ

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Salmow 62:10

Na drestyewgh yn garowder, ha na fydhyewgh yn euver yn ladrans; mar moghha rychys, na worrewgh agas kolonn warnodho.

Lavarow Koth 24:2

Rag aga holonn a dhevis freudh, ha'ga diwweus a gews a dhregynn.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 30:1

Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Ysay 30:7

Gweres Ejyp yw euver ha diles. Rakhenna my a's henow Rahab Diek.

Ysay 47:10

Ty a omglewo saw y'th troktra; ty a leveris, ‘Ny'm gwel denvyth.’ Dha skians ha'th aswonnvos a'th toellas, ha ty a leveris y'th kolonn, ‘My! Nyns eus ken onan a-der my.’

Ysay 5:24

Rakhenna kepar dell wra tavosow tan dybri an sowl, hag kepar dell wra gwels sygh sedhi y'n flammow, yndellma aga gwreydh a vydh avel poder, ha'ga bleujyow a yn-bann avel doust; drefenn i dhe nagha lagha Arloedh an luyow, ha skonya lavar Sans Ysrael.

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 59:13

rebellyans ha toell erbynn an Arloedh, treylya war-dhelergh dhiworth siwya agan Duw, kewsel arwask ha rebellyans, konsevya ha kewsel y'n golonn geryow gow.

Ysay 59:4

Denvyth ny elow rag ewnder; denvyth ny bled y gen gans onester. I a drest yn gwakter ha kewsel euveredh; i a gonsev anken ha dineythi droktra.

Ysay 7:9

Penn Efraym yw Samaria, ha penn Samaria yw mab Remalia. Mar ny gryssowgh ena ny vydhowgh fastys.

Ysay 8:6

Drefenn an bobel ma dhe nagha dowrow Shiloagh, usi ow mos yn kosel, ha teudhi yn own a Resin mab Remalia;

Yeremia 13:25

Homm yw dha gevrenn, dha rann a vusuris dhis, yn-medh an Arloedh; drefenn ty dhe'm ankevi, ha fydhya yn gowegneth.

Amos 2:4

Yndellma y lever an Arloedh: Rag tri hammweythres a Yuda, ha rag peswar, ny wrav vy hepkorr an kessydhyans; drefenn i dhe skonya lagha an Arloedh, ha ny withsons y ordenansow, mes aga fals dhuwow re wrug dhedha sowdhanas, may kerdhas aga thasow war aga lergh.

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.