Ysay 30:1 - An Bibel Kernewek 20234 (Kernewek Kemmyn)

¹ Go-i an vebyon dhiwostydh, yn-medh an Arloedh, a dewl towl nag yw ahanav vy, a wra keffrysyans nag yw herwydh ow spyrys vy; may keworrons pegh dhe begh;

Ysay 30:1 ပူးပေါင်းရင်းမြစ်များ

2 Myghternedh 18:21

Otta, lemmyn yth esos ow fydhya yn Ejyp, an lorgh a gorsenn derrys na a wan leuv pubonan a boes warnedhi. Yndella yth yw Faro myghtern Ejyp, dhe bubonan a fydh ynno.

2 Myghternedh 18:24

Fatell yllydh nagha onan a'n soedhogyon leha a'm mester, ha ty ow fydhya yn Ejyp rag charettow ha marghogyon?

Salmow 61:4

My a drig y'th tylda bynitha; my a hwila skovva yn kudhans dha eskelli. Sela.

Ysay 1:2

Klew a nev, ha goslow a norvys; rag an Arloedh re gewsis: My a vagas mebyon ha'ga meythrin, mes i a rebellyas er ow fynn.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 1:5

Prag y fydhowgh gweskys hwath moy? Prag y pesyowgh yn rebellyans? An penn dien yw klav, oll an golonn yw klamderek.

Ysay 28:15

Rag hwi dhe leverel, ‘Ni re wrug kevambos gans ankow, ha gans ifarn ni re wrug akord; pan dremen an skorja avel liv ow fenna, ny dheu dhyn ni; rag ni re wrug gow agan skovva, ha ni re omgudhas yn falsuri’ –

Ysay 28:20

Rag an gweli yw re gott rag den dhe omystynna warnodho, ha'n ballenn yw re ynn rag den dhe omvaylya.

Ysay 29:15

Go-i an re a gudh aga husul yn town dhiworth an Arloedh ha gul aga oberow y'n tewlder; yn-medhons, ‘Piw a'gan gwel? Piw a'gan aswonn?’

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 31:1

Go-i an re a dhiyskynn dhe Ejyp rag gweres, ha kregi war vergh, ha trestya yn charettow rag aga bos lies, hag yn marghogyon rag aga bos pur nerthek, mes ny virons orth Sans Ysrael, na ny hwilons an Arloedh.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 4:5

Ena an Arloedh a wra kreatya war an tyller kowal a venydh Sion, ha war hy huntellvaow, kommol ha mog dydhweyth ha golow tan ow flammya nosweyth; rag dres oll an glori y fydh nenlenn.

Ysay 5:18

Go-i neb a denn anewnder dre lovonow euveredh, ha peghes avel dre lovonow kert,

Ysay 63:10

Mes i a rebellyas ha grevya y Spyrys sans; rakhenna ev a dreylyas dhe vos eskar dhedha, hag ev y honan a vatalyas orta.

Ysay 65:2

My re lesas ow diwla oll an jydh dhe bobel benn-kales usi ow kerdhes y'n fordh nag yw da, ow siwya aga thybyansow aga honan;

Ysay 8:11

Rag an Arloedh a gewsis dhymm yndellma gans leuv grev, hag a'm gwarnyas ma na gerthen yn fordh an bobel ma, ow leverel:

Ysay 8:12

Na leverewgh ‘Bras!’ pup-prys may hwra an bobel ma leverel bras, ha na berthewgh own a'ga own, na vedhewgh dyegrys.

Ysay 8:19

Mar leverons dhywgh, ‘Hwilewgh kusul a nygromonsoryon ha koelyogyon neb a hwyster ha hanasa; a ny goedh dhe bobel hwila aga Duw, hwila kusul an re varow a-barth an re vew

Yeremia 17:5

Yndellma y lever an Arloedh: Milliges vydh an gour a fydh yn den, ha gul kig y nerth, ha may treyl y golonn a-dhiworth an Arloedh.

Yeremia 2:18

Ha lemmyn pandr'a amont dhis mos y'n fordh dhe Ejyp, dhe eva dowrow Shihor? po pandr'a amont dhis mos y'n fordh dhe Assyria, dhe eva dowrow an avon?

Yeremia 37:7

Yndellma y lever an Arloedh, Duw Ysrael: Yndellma hwi a lever dhe vyghtern Yuda, a'gas tannvonas dhymm dhe wovynn a-dro dhymm: Lu Faro esa ow tos dh'agas gweres, a dhehwel dhe Ejyp, dh'aga thir aga honan.

Yeremia 4:17

Avel gwithysi park, ymons i a-dro dhedhi; drefenn i dhe vos diwostydh er ow fynn, yn-medh an Arloedh.

Yeremia 42:19

An Arloedh re leveris dhywgh, hwi remenant Yuda, Nag ewgh dhe Ejyp. Godhvydhewgh my dh'agas gwarnya hedhyw

Yeremia 5:23

Mes an bobel ma a's teves kolonn yw gorth ha diwostydh; i re dreylyas a-denewen ha gyllys yns.

Ezekiel 11:2

Ena ev a leveris dhymm, ‘Mab den, an re ma yw an wer usi ow prasa sherewynsi hag ow ri drog-gusul y'n sita ma.

Ezekiel 2:3

Yn-medh ev dhymm: Mab den, my a'th tannvon dhe vebyon Ysrael, dhe genedhel a rebellys re rebellyas er ow fynn; i ha'ga thasow re wrug treuspass er ow fynn bys y'n jydh ma.

Ezekiel 24:3

Gwra parabolenn rag an chi diwostydh ma, ha lavar dhedha, Yndellma y lever an Arloedh Duw: Sett an chek, sett an chek, diver dowr ynno ynwedh.

Ezekiel 29:16

Ny wra chi Ysrael fydhya ynna arta; i a berth kov a'ga hammweyth pan dreylsons dhedha rag gweres. Ena i a woer my dhe vos an Arloedh Duw.

Ezekiel 3:9

Avel adamant kreffa ages kellester, re wrugavy dha dal. Na borth own anedha, na bos digolonnek drefenn aga fasow, rag chi diwostydh yns i.

Hosea 11:6

An kledha a wra troyllya erbynn y sitys, ha distrui an varrys a'y yetys, ha'ga dybri drefenn aga thowlow.

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Zekaria 4:6

Ena ev a leveris dhymm, ‘Hemm yw ger an Arloedh dhe Zerubbabel: Ny vydh gans galloes na gans nerth, mes gans ow Spyrys, yn-medh Arloedh an luyow.

Niverow 32:14

Hag otta, hwi re sevis yn le agas tasow, bagas a beghadoryon, dhe gressya hwath moy sorr fers an Arloedh erbynn Ysrael.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

Dewteronomi 29:19

Pan glew nebonan geryow an volleth ma, hag omvenniga yn y golonn, ow leverel, ‘Kres a vydh dhymm, kyn kerdhav yn gorthter ow holonn’, yndella ow tiswul an tir dowrhes war-barth gans an tir sygh,

Dewteronomi 9:24

Hwi re beu ow rebellya erbynn an Arloedh a-dhia'n kynsa dydh ma'gas aswonnis.

Dewteronomi 9:7

Porth kov, na ankov, fatell serrsys an Arloedh dha Dhuw y'n gwylvos. A-dhia'n jydh may teuth yn-mes a bow Ejyp bys may teuthewgh bys y'n tyller ma, hwi re beu ow rebellya erbynn an Arloedh.

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

Yoshua 9:14

Ytho an wer a gemmeras rann a'ga boes, ha ny wovynnsons kusul orth ganow an Arloedh.