Ysay 3:9 - An Bibel Kernewek 20234 (Kernewek Kemmyn)

⁹ Semlans aga fas a worthyp er aga fynn ha disklerya aga fegh avel Sodom; ny's kudhons. Go-i aga enevow! rag i re dhros drog warnedha aga honan.

Ysay 3:9 ပူးပေါင်းရင်းမြစ်များ

Jenesis 13:13

Mes tus Sodom o tebel ha peghadoryon dres eghenn dherag an Arloedh.

Jenesis 19:34

Ha ternos y hwarva an kynsa-genys dhe leverel dhe'n yowynka, ‘Awotta, my a wrowedhas de gans ow thas. Gwren ni gul dhodho eva gwin haneth ynwedh, ha ke tejy dhe wrowedha ganso, may hyllyn gwitha has der agan tas.’

Jenesis 4:5

Mes orth Kayn ha'y offrynn ny viras, ha Kayn a veu pur serrys, ha'y fas a goedhas.

2 Myghternedh 9:30

Pan dheuth Yehu dhe Yezreel, Yezebel a glewas anodho, ha hi a liwas hy dewlagas gans antimoni, afina hy fenn ha mires yn-mes a fenester.

Salmow 10:4

An tebelwas yn y valghder ny'n hwila; oll y dybyansow yw, ‘Nyns eus Duw.’

Lavarow Koth 15:32

Neb a skorn dyskybleth a omdhispres, mes neb a woslow orth keredh a gyv konvedhes

Lavarow Koth 30:13

Yma re – ass yw ughel aga dewlagas, ass yw kroghen aga dewlagas drehevys ughel!

Lavarow Koth 8:36

Mes neb a fyll ow havoes a shynd y enev y honan, kemmys a'm kas a gar ankow.’

Ysay 1:10

Klewewgh ger an Arloedh, hwi rewloryon Sodom; goslowewgh orth lagha agan Duw, pobel Gomorra.

Ysay 3:16

An Arloedh a leveris: Rag bos myrghes Sion goethus, ow kerdhes gans konnaow omystynnys, ha dewlagas ardhynus, ow kerdhes gans kammow bleudh, ha'n modrewi war aga dewufern ow tynkyal;

Ysay 57:20

Mes an debeles yw avel mor ow hwythfia, rag ny yll bos kosel, ha'y dhowrow a dewl yn-bann leys ha stag.

Ysay 59:12

Ytho agan treuspassow yw lies a-ragos, ha'gan peghosow a dheg dustuni er agan pynn. Rag yma agan treuspassow genen, ha ni a aswonn agan drogoberow:

Yeremia 2:19

Dha dhrogedh dha honan a'th keredh, ha'th weythresow dislel a'th chasti: godhvydh ytho ha gweles y vos drog ha hwerow, ty dhe eskasa an Arloedh dha Dhuw, ha ma nag eus ow own ynnos, yn-medh an Arloedh, Duw an luyow.

Yeremia 3:3

Rakhenna an kowasow re beu skonys, ha ny dheuth an glaw diwedhes; ha ty a'th o tal hora, ty a naghas kemmeres meth.

Yeremia 6:15

Esa meth dhedha pan wrussons pyth kasadow? Na, ny's teva meth vytholl, na ny's teva rudha: rakhenna i a wra koedha yn mysk an re a goedh: y'n termyn ma's kessydhyav i a vydh domhwelys, yn-medh an Arloedh.

Yeremia 8:12

Esa meth dhedha pan wrussons pyth kasadow? Na, ny's tevo meth vytholl, na ny's tevo rudha. Ytho i a wra koedha yn mysk an re a goedh: yn termyn aga hessydhyans i a vydh domhwelys, yn-medh an Arloedh.

Kynvannow 5:16

Koedhys yw an gurun dhiworth agan penn; go-ni, rag ni re beghas!

Ezekiel 16:30

Ass yw toemm dha golonn gans fevyr, yn-medh an Arloedh Duw, pan wredh oll an taklow ma, ober hora meur hy maystri,

Ezekiel 16:49

Awotta anewnder Sodom dha hwoer: goeth, gwalgh a vara, hag es hebask o dhedhi hi ha dh'y myrghes; ny nerthas leuv an boghosek na'n edhommek.

Ezekiel 23:16

Kettell y's gwelas gans hy dewlagas hi a's hwansas, ha dannvon kannasow dhedha yn Kaldea.

Daniel 7:20

hag a-dro dhe'n deg korn war y benn, ha'n korn arall hag a sevis hag a-ragdho y koedhas tri anedha; an korn esa dhodho lagasow ha ganow a leveri taklow meur, neb a heveli bos brassa ages an re erell.

Hosea 13:9

A Ysrael, my a'th tistru: piw a vydh dha wereser?

Hosea 5:5

Goeth Ysrael a dhest er y bynn; Ysrael hag Efraym a drebuch yn aga hammhynseth; Yuda ynwedh a drebuch gansa.

Romanyon 6:23

Rag gobrow pegh yw mernans, mes ro Duw yw bewnans heb diwedh yn Krist Yesu agan Arloedh.

Diskwedhyans 11:8

Ha'ga horfow a wra growedha yn plen an sita vras yw gelwys yn spyrysel Sodom hag Ejyp, may feu aga Arloedh krowsys ynwedh.

1 Samuel 15:32

Ena Samuel a leveris, ‘Dro Agag myghtern Amalek omma dhymm.’ Hag y teuth Agag dhodho yn kargharow. Agag a leveris, ‘Yn sur hwerowder mernans yw tremenys.’