Ysay 3:5 - An Bibel Kernewek 20234 (Kernewek Kemmyn)

⁵ An bobel a vydh arweskys, peub gans den arall, ha peub gans y gentrevek; An yowynk a vydh tont erbynn an henavek, ha'n koeg a wask an den wordhi.

Ysay 3:5 ပူးပေါင်းရင်းမြစ်များ

2 Myghternedh 2:23

Ev eth yn-bann alena dhe Bethel. Hag ev ow mos war an fordh, y teuth mebyon vyghan yn-mes a'n sita ha'y skornya, ha leverel dhodho, ‘Ke yn-bann, ty benn-blogh! Ke yn-bann, ty benn-blogh!’

Ysay 1:4

Go-i, kenedhel neb a begh, pobel yw poes gans anewnder, has drogoberoryon, mebyon legrys. I re asas an Arloedh, ha fia Sans Ysrael ow treylya war-dhelergh.

Ysay 11:13

Avi Efraym a dhiberth, hag eskerens Yuda a vydh treghys dhe-ves; Efraym ny berth envi a Yuda, ha Yuda ny arvedh Efraym.

Ysay 19:2

My a sett Ejyp erbynn Ejyp; pubonan a vatal orth y vroder, ha pubonan orth y gentrevek, sita orth sita, ruvaneth orth ruvaneth.

Ysay 9:18

Ytho kammhynseth a lesk avel tan, ow tevorya spedhas ha spern, ha leski prysk an koes, ha troyllya yn-bann yn koloven mog.

Yeremia 22:17

Mes nyns yw dha dhewlagas ha'th kolonn marnas rag gwayn anewn, ha rag skoellya goes gwiryon, ha rag gul arwask ha freudh.

Ezekiel 22:12

Ynnos i re gemmeras falswober dhe skoellya goes; ty re gemmeras oker ha goroker, ha kemmeres gwayn dhiworth dha gentrevek der arwask, ha ty re'm ankevsys, yn-medh an Arloedh Duw.

Levitikus 19:32

Ty a sev dherag an blew loes, hag enora an den koth, ha kavoes own a dha Dhuw. An Arloedh ov vy.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Zekaria 11:6

Ytho ny gemmerav vy truedh namoy a'n re trigys y'n tir, yn-medh an Arloedh. Otta, yth esov ow ri pubonan yn leuv y gentrevek hag yn leuv y vyghtern. I a wra brewi an tir, ha ny wrav vy aga sawya dhiworth aga leuv.

Malaki 3:5

Ha my a dheu nes dhywgh rag breus. Ha my a vydh test uskis erbynn an hudoryon ha'n avoutroryon, ha'n re a de yn fals, hag erbynn an re a doell an gweythor a'y wober, an wedhwes ha'n omdhivas, ha treylya dhe-ves an alyon, ha na berthons own ahanav, yn-medh Arloedh an luyow.

Matthew 26:67

Ena i a drewas yn y fas ha'y weskel; ha re anedha orth y gronkya

Mark 14:65

Ha re a dhallathas trewa warnodho; ha kudha y fas i a wrug, ha'y gronkya, ha leverel dhodho, ‘Gwra profoesa’, ha'n withysi a'n kemmeras, gans hwattys.

Luk 22:64

hag i a gudhas y dhewlagas ha govynn orto ow leverel, ‘Gwra profoesa! Piw yw neb a'th weskis?’

Jamys 2:6

Mes hwi a dhisenoras an boghosek. A ny'gas begh an dus rych? A ny'gas tennons a-dherag lysyow breus?

Jamys 5:4

Otta, gobrow an wonisysi a vysas agas gwelyow hag a wrussowgh gwitha dhiworta yn fals, ymons ow karma; ha garmow an vysoryon re dhrehedhas diwskovarn Arloedh an luyow.