Ysay 3:24 - An Bibel Kernewek 20234 (Kernewek Kemmyn)

²⁴ Yn le spisys y fydh fler, hag yn le grogys pann y fydh kordenn, yn le gols plethys y fydh bloghter, yn le dillas teg y fydh yskar, ha kreyth leskys yn le tekter.

Ysay 3:24 ပူးပေါင်းရင်းမြစ်များ

Ester 2:12

Lemmyn pan veu devedhys torn pub moren mayth ella bys y'n myghtern Ahasuerus, y feu res dhedhi bos dyghtys herwydh an lagha rag an benynes dewdhek mis, rag yndella yth esa kollenwys dydhyow aga thekheans, hwegh mis gans oyl myrr, ha hwegh mis gans ethennow hweg ha gans oynmentys an benynes.

Job 16:15

‘My re wias yskar war ow kroghen, ha gorra ow horn y'n doust.

Lavarow Koth 31:24

Hi a wra dillasennow a lin hag a's gwerth; hi a brovi grogysyow dhe'n varchons.

Lavarow Koth 7:17

My re velyshas ow gweli gans myrr, aloes ha sinnamon.

Ysay 15:2

Dibon re yskynnas dhe'n tempel, dhe'n tylleryow ughel dhe oela; war Nebo ha war Medeba Moab a oul. War bub penn yma bloghter, ha treghys yw pub barv.

Ysay 15:3

Y'n stretys i a omwrogys gans yskar; war an tohow hag y'n plenys pubonan a oul, owth oela dagrow.

Ysay 22:12

An Arloedh, Duw an luyow, a elwis y'n jydh na rag oelva ha rag kynvann, rag bloghter ha rag omwrogysa gans yskar.

Ysay 3:23

an niwlwias, an iswiskasow, an tulyfantys, ha'n kudhlennow penn.

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Ysay 57:9

Ty a vyajyas dhe Molek gans oyl hag ynkressya dha velysethow. Ty a dhannvonas dha gannasow pell ha dannvon yn-nans bys yn ifarn.

Yeremia 4:8

Rakhenna omwrogysewgh gans yskar, kynewgh hag oulyewgh: ‘Ny dreylyas ahanan sorr fers an Arloedh.’

Yeremia 48:37

Rag pub penn a vydh moel ha pub barv treghys dhe-ves; war bub leuv y fydh skwardyow, hag yskar war an klunyow.

Yeremia 49:3

Oul, A Heshbon, rag Ay yw gwastys! Kriewgh, A vyrghes Rabba, Omwrogysewgh gans yskar, galarewgh, ha poenyewgh omma hag ena ryb an keow. Rag Milkom a yn divroedh, war-barth gans y oferysi ha'y bennsevigyon.

Yeremia 6:26

A vyrgh ow fobel, omwrogys yn yskar, hag omrol yn lusu: gwra kyni, avel rag dha unn vab, kynvann a'n hwerwa: rag a-dhistowgh an distruer a dheu warnan.

Kynvannow 2:10

Yma henavogyon myrgh Sion owth esedha war an dor yn tawesek; i re dewlis doust war aga fenn hag omwrogysa gans yskar; gwyrghesow Yerusalem a blegyas aga fenn dhe'n dor.

Ezekiel 27:31

I a omvoelha ragos hag omwrogysa gans yskar. I a oel warnas yn hwerowder enev, gans kynvann hwerow.

Ezekiel 7:18

I a wisk yskar, ha kren a's kudh. Meth a vydh dhe bub fas, ha moelder war oll aga fennow.

Yoel 1:8

Gwra kyni avel gwyrghes grogysys gans yskar rag gour hy yowynkneth.

Levitikus 26:16

hemma a wrav dhywgh: my a worr euth tromm warnowgh, kleves gwastya, fevyr a dhiswra an lagasow hag a wra dhe'n enev omwetha. Hwi a has agas has yn euver, rag agas eskerens a wra y dhybri.

Amos 8:10

Treylya a wrav agas goelyow yn kynvann, ha'gas kanow oll yn oelva; my a worr yskar war an dhiwglun oll, ha bloghter war bub penn; my a's gwrav dhe gyni kepar dell ve war-lergh aga unn vab, ha'n gorfenn anodho a vydh kepar ha dydh hwerow.

Mika 1:16

Omvoelha, ha trogh dha wols rag an vebyon a'th telit; omwra maga foel avel er, rag i res eth a-dhiworthis bys yn divroedh.

Dewteronomi 28:22

An Arloedh a'th wysk gans kleves gwastya, ha gans terthenn, ha gans fevyr, ha gans brewvann, ha gans an kledha ha gans kleves losk ha kleves melynheans y'n ys, hag i a'th helgh bys pan vydhydh diswrys.

Dewteronomi 32:24

I a vydh gwannhes gans divoetter, ha devorys gans plag ha kleves hwerow; my a dhannvon ynna dyns bestes, gans venim serf ow kramya yn doust.

1 Peder 3:3

Na vedhes agas afinans war-tu a-ves, ow pletha an vlew na gorra tegennow owr a-dro dhywgh na gwiska dillas splann,

Diskwedhyans 11:3

Ha my a rov galloes dhe'm dew dest hag i a wra profoesa mil dhydh dew kans ha tri-ugens, ow kwiska yskar.’

Diskwedhyans 16:9

Ha tus a veu leskys dre doemmder bras, hag i a vlasfemyas hanow Duw neb a'n jeves galloes war an plaow ma, ha ny gemmersons edrek dhe ri gordhyans dhodho.

Diskwedhyans 18:9

Ha myghternedh an norvys neb re wrug fornikasyon ha triga gensi gans pythow dres musur, a vynn oela ha kyni rygdhi pan welons an mog a'y leski.