Ysay 3:16 - An Bibel Kernewek 20234 (Kernewek Kemmyn)

¹⁶ An Arloedh a leveris: Rag bos myrghes Sion goethus, ow kerdhes gans konnaow omystynnys, ha dewlagas ardhynus, ow kerdhes gans kammow bleudh, ha'n modrewi war aga dewufern ow tynkyal;

Ysay 3:16 ပူးပေါင်းရင်းမြစ်များ

Lavarow Koth 16:18

Goeth a dheu kyns distruyans, ha spyrys howtyn kyns koedh.

Lavarow Koth 21:4

Lagasow howtyn ha kolonn woethus, lugarn an debeles, yw pegh.

Lavarow Koth 30:13

Yma re – ass yw ughel aga dewlagas, ass yw kroghen aga dewlagas drehevys ughel!

An Gan a Ganow 3:11

Ewgh yn-mes ha mirewgh, a vyrghes Sion, orth myghtern Solomon gans an gurun may hwrug y vamm y guruna gensi yn dydh y dhemmedhyans, ha'n jydh mayth o lowen y golonn.

Ysay 1:8

Myrgh Sion yw gesys avel skovva yn gwinlann, avel krow yn gwel kukumbrow, avel sita yn-dann esedhva.

Ysay 24:4

An nor a gyn hag a wedher, an bys a dhesygh hag a wedher; pobel ughel an norvys a wannha.

Ysay 3:1

Rag otta, an Arloedh, Arloedh an luyow, a gemmer yn-mes dhiworth Yerusalem ha Yuda skoedhyans ha lorgh, oll skoedhyans a vara, hag oll skoedhyans a dhowr,

Ysay 3:17

an Arloedh a dhre krevennow war glopenn myrghes Sion, ha'n Arloedh a lommha aga thal.

Ysay 3:18

Y'n jydh na an Arloedh a wra remova tekter modrewi aga dewufern, an penngwiskow ha'n tergh-kromman;

Ysay 3:4

My a re mebyon dhe vos aga fennsevigyon, ha fleghes a's govern.

Ysay 4:4

wosa an Arloedh dhe wolghi dhe-ves kawgh myrghes Sion, ha glanhe goes Yerusalem yn-mes anedhi dre spyrys breus ha spyrys loskvann.

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Matthew 21:5

‘Lavar dhe vyrgh Sion, Awotta dha vyghtern a dheu dhiso klor hag esedhys war asen ha war ebel, mab asen.’

Luk 23:28

Mes Yesu a dreylyas dhedha ha leverel, ‘Myrghes Yerusalem, na oelewgh warnav vy; mes oelewgh warnowgh agas honan ha rag agas fleghes,