Ysay 3:14 - An Bibel Kernewek 20234 (Kernewek Kemmyn)

¹⁴ An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:14 ပူးပေါင်းရင်းမြစ်များ

Job 22:4

‘Yw drefenn dha own anodho y hwra ev dha geredhi, hag entra yn breus genes?

Job 24:14

An moldrer a sev kyns dydh-tardh may lattho an boghosek ha'n edhommek, hag y'n nos kepar ha lader yw.

Job 24:9

‘Tus a gib an omdhivas dhiworth an vronn, ha kemmeres yn goestel fleghik an boghosek.

Job 34:23

Ny worras Duw termyn apoyntys rag gour, dhe vos a-dheragdho rag breus.

Salmow 10:9

Ev a gontrewayt y'n gudhva avel lew yn fow; ev a gontrewayt rag may talghenno an boghosek, ev a dhalghenn an boghosek orth y denna yn y roes.

Salmow 14:4

A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

Salmow 143:2

Na dhoro dha was dhe vreus, rag y'th wolok jy ny vydh denvyth bew prevys gwiryon.

Lavarow Koth 30:14

Yma re, mayth yw aga dyns kledhedhyow, hag avel kellylli yw aga diwen dhe dhybri an voghosogyon a-dhiwar an norvys, an edhommogyon dhiworth mab-den.

Ysay 10:1

Go-i neb a wra ordenansow kammhynsek, ha'n skriforyon neb a skrif laghys anewn,

Ysay 10:2

dhe dreylya dhe-ves an edhommogyon dhiworth aga gwiryow, ha dhe ladra gwirvreus dhiworth boghosogyon ow fobel, rag may fo gwedhwesow aga freydh, ha may pyllons omdhivasow.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Ysay 26:6

An troes a's trett, treys an den truan, pasys an voghosogyon.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 30:12

Rakhenna yndellma y lever Sans Ysrael: Drefenn hwi dhe dhenagha an ger ma, ha trestya yn arwask ha toell, ha kregi warnedha;

Ysay 5:7

Rag gwinlann Arloedh an luyow yw chi Ysrael, ha gwer Yuda yw plansva y dhelit. Ev a worta gwirvreus hag awotta kammvreus, ewnder hag awotta kri.

Ysay 58:4

Otta, hwi a benys rag gul strif ha freudh ha dhe weskel gans dorn dhrog. Penys kepar dell esowgh orth y wul y'n jydh ma ny yll gul dh'agas lev bos klewys y'n ughelder.

Yeremia 12:10

Lies bugel re dhistruis ow gwinlann, i re drettyas ow rann yn-dann droes, i re wrug ow rann blegadow yn gwylvos ynyal.

Yeremia 5:27

Par dell yw kowell leun a ydhyn, yndellma aga chiow yw leun a doell: rakhenna i a dheu ha dos meur, ha tevi kevoethek.

Ezekiel 18:12

neb a arwask an boghosek ha'n edhommek, neb a byll, neb na dhaskorr gaja, neb a dhrehav y dhewlagas dhe idolys, ha gul tra gasadow,

Ezekiel 20:35

My a'gas dre dhe dhifeythtir an poblow ha'gas breusi ena, fas orth fas.

Ezekiel 20:36

Kepar dell vreusis agas tasow yn difeythtir pow Ejyp, yndella my a wra agas breusi hwi, yn-medh an Arloedh Duw.

Levitikus 25:14

Mar kwerthydh neppyth dhe'th kentrevek, po prena dhiworth dha gentrevek, ny wrewgh hwi gwaska an eyl y gila.

Levitikus 25:17

Ytho, ny wrewgh hwi gwaska an eyl y gila, mes ty a berth own a dha Dhuw, rag an Arloedh agas Duw ov vy.

Amos 2:7

I a drett yn-dann dreys penn an voghosogyon yn doust dor; ha treylya a-denewen fordh an dus uvel; den ha'y das a y'n keth vowes rag may fo disakrys ow hanow sans.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.

Mika 2:2

I a hwans parkow, ha settya dalghenn ynna; ha chiow, ha'ga kemmeres dhe-ves; i a arwask gour ha'y ji, gour ha'y eretons.

Mika 3:3

neb a dheber kig ow fobel, ha pilya aga kroghen dhiworta, ha terri aga eskern yn temmigow ha'ga nadha avel kig yn chek, avel kig yn kalter.

Mika 6:10

Eus hwath tresoryow drogober yn chi an debeles, ha'n efa berr-vusurys milliges?

Matthew 21:33

‘Klewewgh parabolenn arall. Yth esa unn den, perghennek tir, neb a blansas gwinlann ha gorra ke a-dro dhedhi ha palas gwinwask ynni, ha drehevel tour, ha'y settya dhe diogyon, hag ena vyajya yn-kerdh.

Jamys 2:6

Mes hwi a dhisenoras an boghosek. A ny'gas begh an dus rych? A ny'gas tennons a-dherag lysyow breus?