Ysay 3:10 - An Bibel Kernewek 20234 (Kernewek Kemmyn)

¹⁰ Leverewgh dhe'n den gwiryon, y fydh da ragdho, rag i a dheber frut aga gwriansow.

Ysay 3:10 ပူးပေါင်းရင်းမြစ်များ

Jenesis 18:25

Pell bedhes dhiworthis gul war-lergh an gis ma, ladha an re wiryon gans an re dhrog, may fo an re wiryon kepar ha'n re dhrog; bedhes pell dhiworthis! A ny vynn Breusyas oll an nor gul gwirvreus?’

Salmow 58:11

Ha tus a lever, ‘Yn hwir yma pewas dhe'n den gwiryon; yn hwir yma Duw a vreus y'n nor.’

Eksodus 1:20

Ha Duw a wrug da dhe'n gwelivedhesow, ha'n bobel a gressyas hag o pur alloesek.

Lavarow Koth 10:6

Yma bennathow war benn an den gwiryon, mes ganow an debeles a gudh freudh.

Lavarow Koth 12:14

A froeth y anow gour a gyv y walgh a dhader, hag ober diwleuv den a vydh attylys dhodho.

Lavarow Koth 13:21

Anfeus a hol peghadoryon, mes sewena a re pewas dhe'n re wiryon.

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Ekklesiastes 8:12

Kyn hwrella peghador gul drogober kanskweyth, ha bewa hwath pell, yn spit dhe hemma my a woer y vos da gans an dus neb yw gostydh dhe Dhuw, rag i dhe sevel ow perthi own a-dheragdho.

Ysay 54:17

Ny wra seweni arv vyth yw furvys er dha bynn, ha ty a wra dampnya pub taves a sev orthis yn breus. Hemm yw ertach gwesyon an Arloedh, ha'ga ewnheans a dheu dhiworthiv, yn-medh an Arloedh.

Yeremia 15:11

An Arloedh a leveris, Sur, my a'th tannvon dhe-ves rag dha les dha honan, devri my a wra dhe'n eskar pledya ragos yn termyn drogedh hag yn termyn galar.

Yeremia 21:14

Mes my a'gas kessydh herwydh frut agas gwriansow, yn-medh an Arloedh; ha my a enow tan yn y goeswik, hag a gowllesk pup-tra a-dro dhodho.

Yeremia 22:15

A wre'ta reynya drefenn ty dhe dhrehevel gans keder moy es dell wra tus erell? A ny wrug dha das dybri hag eva, ha gul gwirvreus hag ewnder? Ena yth o da ganso.

Yeremia 7:23

Mes an dra ma a worhemmynnis dhedha, ow leverel, ‘Bedhewgh gostydh dhe'm lev, ha my a vydh agas Duw, ha hwi a vydh ow fobel; ha kerdhewgh yn oll an fordhow may hworhemmynnis dhywgh, may fo yn ta genowgh.’

Ezekiel 18:20

An enev a begh a verow; mab ny dheg anewnder an tas, ha tas ny dheg anewnder an mab; ewnder an den gwiryon a vydh warnodho, ha sherewynsi an tebelwas a vydh warnodho.

Ezekiel 9:4

ha'n Arloedh a leveris dhodho, ‘Tremen der an sita, dre Yerusalem, ha gwra merk war dal an wer usi owth hanasa ha kyni war oll an taklow kasadow gwrys a-berth ynni.’

Mika 7:13

Mes an tir a vydh ynyal drefenn y drigoryon, rag frut aga gwriansow.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Luk 19:19

Yn-medh ev dhodho ynwedh, “Ha ty, bydh a-ugh pymp trev.”

Dewteronomi 12:25

Na dheber ev rag may fo yn ta dhis ha dhe'th vebyon war dha lergh, pan wredh an pyth yw ewn a-wel dhe'n Arloedh.

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.