Ysay 3:1 - An Bibel Kernewek 20234 (Kernewek Kemmyn)

¹ Rag otta, an Arloedh, Arloedh an luyow, a gemmer yn-mes dhiworth Yerusalem ha Yuda skoedhyans ha lorgh, oll skoedhyans a vara, hag oll skoedhyans a dhowr,

Ysay 3:1 ပူးပေါင်းရင်းမြစ်များ

2 Myghternedh 25:3

Yn nawves dydh an peswora mis an divoetter eth ha bos mar sevur ma nag esa boes rag bobel an tir.

Salmow 105:16

Hag ev a elwis esow war an tir, ha terri pub lorgh a vara.

Ysay 1:24

Rakhenna y lever an Arloedh, Arloedh an luyow, an Galloesek a Ysrael: Ogh, my a vydh konfortys drefenn ow envi, ha tyli dial war ow eskerens.

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Ysay 3:16

An Arloedh a leveris: Rag bos myrghes Sion goethus, ow kerdhes gans konnaow omystynnys, ha dewlagas ardhynus, ow kerdhes gans kammow bleudh, ha'n modrewi war aga dewufern ow tynkyal;

Ysay 36:12

Mes yn-medh an Rabshake, ‘A wrug ow arloedh ow dannvon dhe gewsel an geryow ma dhe'th arloedh ha dhiso jy, a-der dhe'n wer usi owth esedha war an fos, yw destnys genowgh hwi dhe dhybri aga hawgh hag eva aga urin?’

Ysay 5:13

Rakhenna ow fobel a yn divroedh rag fowt a skians; hy gwer nobyl a verow dre dhivoetter, ha'y routh dre syghes.

Ysay 51:22

Yndellma y lever dha Arloedh, an Arloedh, dha Dhuw neb a bled ken y bobel: Otta, my re gemmeras dhiworth dha dhorn an hanaf a vedhwenep. Ny evydh nevra na fella a volla ow honnar.

Ysay 9:20

A-dhyghow den a dhevor ha hwath nownek vydh; a-gledh den a dheber ha ny vydh gwalghys. Pubonan a dheber kig y gentrevek.

Yeremia 37:21

Ena Sedekia an myghtern a worhemmynnis may fe Yeremia gorrys yn klos an prison, ha torth-vara dhe vos res dhodho pub dydh a-dhiworth stret an beboryon, bys pan ve gyllys oll bara an sita. Ytho Yeremia a wortas yn klos an prison.

Yeremia 38:9

‘Ow arloedh an myghtern, an wer ma re wrug drogedh yn pup-tra a wrussons dhe Yeremia, neb a dowlsons y'n dhorvagh dhe verwel ena dre nown, rag nyns eus bara gesys y'n sita.’

Yeremia 52:3

Yn hwir, mar vras o sorr an Arloedh erbynn Yerusalem ha Yuda ma's tewlis mes a'y lok. Sedekia a rebellyas erbynn myghtern Babylon.

Yeremia 52:6

Y'n nawves dydh a'n peswora mis an divoetter o mar sevur y'n sita ma nag esa boes rag pobel an tir.

Kynvannow 5:4

Ni re evas agan dowr a bris arghans; agan keunys a dheu dre varghadoryon.

Ezekiel 14:13

Mab den, pan wra pow pegha er ow fynn ow pos dislel, ha my a ystynn ow leuv er y bynn ha terri y lorgh bara, ha dannvon ynno divoetter, ha treghi dhe-ves dhiworto den ha best;

Levitikus 26:26

Ha pan wrylliv vy terri gwelenn agas bara, deg benyn a wra pobas agas bara yn unn forn, hag i a dhaskorr dhywgh agas bara orth poes, ha hwi a'n deber ha ny vydh lowr ragowgh.

Amos 4:6

Mes my a ros dhywgh glanythter a dhyns yn agas sitys oll ha fowt a vara yn agas tylleryow oll, ha ny dhehwelsowgh dhymm, yn-medh an Arloedh.

Mika 4:9

Ytho, prag y kriydh jy yn ughel? A nyns eus genes myghtern? A verwis dha gusulyador, ma'th synsis gloesow avel benyn ow tineythi?