Ysay 29:22 - An Bibel Kernewek 20234 (Kernewek Kemmyn)

²² Rakhenna yndellma y lever an Arloedh, neb a dhasprenas Abraham, a-dro dhe ji Yakob: Na fella ny vydh Yakob ow kemmeres meth, ha na fella ny vydh y fas gwannliwek;

Ysay 29:22 ပူးပေါင်းရင်းမြစ်များ

Jenesis 48:16

an el neb a'm delivras dhiworth pub droktra, re vennikko an vebyon; ha re bo gelwys warnedha ow hanow vy ha hanow ow thasow Abraham hag Ysak; ha re gressyons dhe vos bras aga niver yn kres an norvys.’

Ysay 41:14

Na borth own, ty bryv, Yakob, ty gontronenn Ysrael! My a wra dha weres, yn-medh an Arloedh, dha Dhasprenyas, an Sans a Ysrael.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 45:25

Y'n Arloedh y fydh ewnheans ha bostyans dhe oll an has a Ysrael.

Ysay 50:7

An Arloedh Duw a'm gweres, ytho ny veuv konfondys; rakhenna my re settyas ow fas avel kellester, ha my a wonn na borthav meth.

Ysay 51:11

An re dasprenys a'n Arloedh a dhehwel, ha dos dhe Sion gans kana, ha joy heb diwedh a vydh war aga fenn. I a's tevydh lowena ha joy; tristyns ha hanasa a fi dhe'n fo.

Ysay 51:2

Mirewgh orth Abraham, agas tas, hag orth Sara a'gas dineythis; rag nyns o ev marnas onan pan y'n gelwis, mes my a'n bennigas ha'y wul lies.

Ysay 54:4

Na borth own, rag ny' fydh sham, na vydh digolonnek, rag ny berthydh mewl; rag ty a ankev disenor dha yowynkneth, ha ny berthydh kov a vewl dha wedhowses na fella.

Ysay 63:16

Rag ty yw agan Tas, kyn na'gan goer Abraham ha na'gan aswonn Ysrael; ty yw an Arloedh agan Tas, agan Dasprenyas vynnari yw dha hanow.

Yeremia 30:10

Ytho na borth own, ow gwas Yakob, yn-medh an Arloedh, na na vydh digolonnek, A Ysrael; rag otta, my a'th selow a bellder, ha'th has a-dhiworth tir aga hethneth; ha Yakob a dhehwel ha powes ha bos kosel, ha ny wra nagonan gorra own ynno.

Ezekiel 37:24

Ow gwas Davydh a vydh myghtern warnedha, hag y fydh unn bugel dhedha i oll. I a gerdh war-lergh ow breusow, ha gwaytyas gwitha ow ordenansow.

Ezekiel 37:28

Ena an kenedhlow a woer my, an Arloedh, dhe sanshe Ysrael, pan vydh ow sentri yn aga mysk bys vykken.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Yoel 2:27

Hwi a wodhvydh my dhe vos yn mysk Ysrael, ha my dhe vos an Arloedh agas Duw, ha nyns eus nahen. Ha ny wra ow fobel perthi meth bynitha.

Luk 1:68

‘Benniges re bo an Arloedh, Duw Ysrael; rag ev re dheuth dhe weles y bobel ha'ga dasprena,

Diskwedhyans 5:9

Ha kan nowydh a ganons i, ow leverel, ‘Gwiw osta dhe gemmeres an rol, hag igeri an selyow, rag ty a veu ledhys ha re dhasprensys tus dhe Dhuw gans dha woes yn-mes a bub loeth, ha yeth, ha pobel, ha kenedhel;