Ysay 29:2 - An Bibel Kernewek 20234 (Kernewek Kemmyn)

² Mes stroetha Ariel my a wra, hag y fydh oelva ha kynvann, ha hi a vydh dhymmo vy avel oeles alter.

Ysay 29:2 ပူးပေါင်းရင်းမြစ်များ

Ysay 1:14

Agas loeryow nowydh ha'gas goelyow apoyntys ow enev a gas. Begh yns i warnav; skwith ov vy a'ga doen.

Ysay 10:32

Poran an jydh ma ev a worta yn Nob ha shakya y dhorn erbynn menydh myrgh Sion, erbynn brenn Yerusalem.

Ysay 17:14

Gorthugherweyth, awotta euth tromm! Kyns myttin gyllys yns. Hemm yw tenkys an re a'gan raven, ha kevrenn an re a'gan pyll.

Ysay 3:26

Hy yetys a gyn ha galari, hag omdhivesys hi a vydh esedhys war an dor.

Ysay 34:6

Yma dhe'n Arloedh kledha; lenwys yw a woes, gwalghys yw a vlonek, a woes eyn ha gever, a vlonek diwloneth hordhes; drefenn bos sakrifis dhe'n Arloedh yn Bosra ha ladhva vras yn pow Edom.

Ysay 36:22

Ena Elyakim mab Hilkia, governour an palys, ha Shebna an pennskrifennyas ha Yoagh mab Asaf an kovadhor a dheuth dhe Hezekia skwardys aga dillas, ha derivas dhodho geryow an Rabshake.

Ysay 37:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

Kynvannow 2:5

An Arloedh o kepar hag eskar, ev re gollonkas Ysrael; ev re gollonkas oll y lysyow, ev re dhistruis y dhinasow; ha palshe yn myrgh Yuda drem ha kynvann.

Ezekiel 22:31

Ytho my a dhiveris ow sorrvann warnedha; my re's konsumyas gans tan ow honnar; my re attylis aga fordh war aga fenn aga honan, yn-medh an Arloedh Duw.

Ezekiel 39:17

Mes ty, A vab den, yndellma y lever an Arloedh Duw: Kows dhe ydhyn a bub eghenn, ha dhe oll an bestes gwyls: Omguntellewgh ha dos; dewgh war-barth a bub tu dhe'm sakrifis a wrav ragowgh, sakrifis bras, war venydhyow Ysrael, ha hwi a dheber kig hag eva goes.