Ysay 29:19 - An Bibel Kernewek 20234 (Kernewek Kemmyn)

¹⁹ Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 29:19 ပူးပေါင်းရင်းမြစ်များ

Salmow 12:5

‘Drefenn an voghosogyon dhe vos ravnys, drefenn kynvann an edhommogyon, lemmyn my a sev’, yn-medh an Arloedh; ‘my a'n gorr y'n sawder a yeun ev.’

Salmow 149:4

Rag an Arloedh a gemmer plesour yn y bobel; ev a afin an re hwar gans selwyans.

Salmow 22:27

Oll pennow an norvys a berth kov ha treylya dhe'n Arloedh; hag oll teyluyow an kenedhlow a wordh a-dheragos.

Salmow 25:9

Ev a hembronk an re uvel yn gwirvreus, hag ev a dhysk y fordh dhe'n voghosogyon.

Salmow 37:11

Mes an re hwar a erit an tir, hag i a gemmer plesour yn kres leun.

Salmow 9:18

Rag ny vydh an den edhommek ankevys bynitha, ha nyns a dhe goll bys vykken govenek an voghosogyon.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 14:30

An re gynsa-genys a'n voghosogyon a beur, ha'n edhommogyon a wrowedh yn sawder. Mes my a dhistru dha gyf gans divoetter; ha ladha dha remenant.

Ysay 14:32

Fatell worthyp kannasow an genedhel? ‘Yth yw an Arloedh neb re selyas Sion, ha boghosogyon y bobel a hwila harber ynni.’

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 26:6

An troes a's trett, treys an den truan, pasys an voghosogyon.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ysay 61:10

My a lowenha yn feur y'n Arloedh, ow enev a vydh heudhik y'm Duw, drefenn ev dhe'm kwetha gans dillas a selwyans ha'm kudha yn goen ewnder, kepar dell wra gour pries a omwisk yn tulyfant oferyas, ha kepar dell wra benyn bries hy omafina gans hy gemmweyth.

Ysay 66:2

Oll an taklow ma ow leuv a's gwrug, ha dhymmo vy yw oll an taklow ma, yn-medh an Arloedh. Hemm yw an den a wrav vri anodho, an den truan, trogh y spyrys, neb a gren orth ow ger.

Daniel 12:4

Mes ty, A Daniel, kudh an geryow, ha sel an lyver bys prys an diwedh. Lies a boen a-derdro, dhe ynkressya godhvos.’

Habakkuk 3:18

hwath my a lowenha y'n Arloedh, ha my a vydh heudhik yn Duw ow selwyans.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Matthew 11:5

dellyon a wel arta hag evredhyon a gerdh; klavorogyon yw glanhes, bodharyon a glew, ha tus varow yw drehevys, ha dhe voghosogyon an aweyl yw pregewthys;

Matthew 5:3

‘Gwynn aga bys an re yw boghosek yn spyrys, rag dhedha i yw gwlaskor nev.

Matthew 5:5

‘Gwynn aga bys an re yw klor, rag i a erit an norvys.

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

Filippianys 4:4

Lowenhewgh pup-prys y'n Arloedh; arta y lavarav, lowenhewgh.

Jamys 1:21

Ytho, gorrewgh dhe-ves pub plosedhes ha drog dres eghenn, ha degemmerewgh yn uvel an ger plynsys ynnowgh, a yll selwel agas enev.

Jamys 1:9

Mes gwres bostya an broder uvel yn y ughelder,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?