Ysay 29:1 - An Bibel Kernewek 20234 (Kernewek Kemmyn)

¹ Ogh Ariel, Ariel, an sita may kampyas Davydh ynni! Keworrewgh blydhen dhe vlydhen; gesewgh an goelyow dhe vos a-dro yn kylgh.

Ysay 29:1 ပူးပေါင်းရင်းမြစ်များ

2 Samuel 5:9

Ena Davydh a dhallathas triga y'n dinas, hag ev a'n henwis sita Davydh. Davydh a dhrehevis a-derdro dhiworth an Millo ha war-ji.

Ysay 29:13

An Arloedh a leveris: Drefenn an bobel ma dhe dhos nes dhymm gans aga ganow hag ow enora gans aga diwweus, mes aga holonn yw pell dhiworthiv, ha'ga own ahanav yw dyskys gans gorhemmynn tus,

Ysay 29:9

Bedhewgh dyegrys ha penndegys, omdhallhewgh ha bedhewgh dall; bedhewgh medhow, mes a-der gans gwin, trebuchyewgh, mes a-der gans korev.

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Ysay 66:3

Ladher ojyon yw kepar ha ladher gour; neb a sakrifi davas yw avello ev neb a derr konna ki; neb a dhrehav offrynn greun yw avello ev neb a offrynn goes hogh; neb a offrynn rann kovadh a frankynkys yw avello ev neb a vennik idol. I re dhewisas aga fordhow, hag yn aga thaklow kasadow aga enev y'n jeves delit.

Yeremia 7:21

Yndellma y lever Arloedh an luyow, Duw Ysrael: Keworrewgh agas offrynnow leskys dh'agas sakrifisow, ha dybri kig.

Hosea 5:6

I a wra mos gans aga flokkys ha'ga gwarthek dhe hwilas an Arloedh, mes ny'n kevons; ev re gildennas anedha.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:4

Ny dhiverons offrynnow gwin dhe'n Arloedh, ha ny vydh aga sakrifisow plegadow dhodho. Y fydh dhedha avel bara kynvann, peub neb a'n deber a vydh avlan: aga bara yw ragdha aga honan; ny dheu yn chi an Arloedh.

Levitikus 23:4

An re ma yw goelyow an Arloedh, kuntellesow sans a wrewgh hwi aga deklarya yn aga thermyn.

Ebrowyon 10:1

Rag an lagha, na'n jeves marnas skeus a'n traow mas dhe dhos a-der an purra imaj a'n traow ma, ny yll nevra, der an keth sakrifisow yw offrynnys blydhen wosa blydhen heb lett, perfydhhe an re a dheu nes.