Ysay 28:9 - An Bibel Kernewek 20234 (Kernewek Kemmyn)

⁹ ‘Dhe biw y tysk ev skians? ha dhe biw y styr ev an messaj? An re didhenys dhiworth leth, an re diberthys dhiworth an dhiwvronn?

Ysay 28:9 ပူးပေါင်းရင်းမြစ်များ

Salmow 131:2

Mes my re goselhas ha spavennhe ow enev, avel flogh didhenys orth bronn y vamm; devri kepar ha flogh didhenys yw ow enev.

Salmow 50:17

Rag ty a gas dyskybleth, ha tewlel ow lavarow war dha lergh.

Lavarow Koth 1:29

Drefenn i dhe gasa godhvos, ha ny dhewissons own an Arloedh,

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 28:26

Y Dhuw a wra y gevarwoedha, ha'y dhyski yn ewn.

Ysay 30:20

Kyn rollo an Arloedh dhywgh bara fienasow ha dowr galar, ny vydh dha dhyskadoryon kudhys namoy, mes dha dhewlagas a wel dha dhyskadoryon.

Ysay 48:17

Yndellma y lever an Arloedh, dha Dhasprenyas, an Sans a Ysrael: My yw an Arloedh dha Dhuw, a'th tysk rag dha les dha honan, ha'th hembronk y'n fordh may tegoedh dhis mones ynni.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Ysay 54:13

Oll dha vebyon a vydh dyskys gans an Arloedh, ha meur vydh kres dha fleghes.

Yeremia 35:13

Yndellma y lever Arloedh an luyow, Duw Ysrael: Ke ha leverel dhe bobel Yuda ha dhe annedhysi Yerusalem, ‘A ny vynnowgh degemmeres dyskans ha klewes ow geryow? yn-medh an Arloedh.

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 6:10

Piw y kowsav dhodho, ha ri gwarnyans, may klewvons? Otta, aga skovarn yw antrodreghys, ha ny's teves goslowes; otta, ger an Arloedh yw keredh dhedha; ny's teves lowender ynno.

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Mark 10:15

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Yowann 12:38

may fe kollenwys an lavar a gewsis Ysay an profoes, ‘Arloedh, piw re grysis agan pregoth, ha piw re beu bregh an Arloedh diskwedhys dhodho?’

Yowann 3:19

Ha hemm yw an vreus: golow re dheuth y'n bys, ha'n dus a garas an tewlder moy es an golow, rag bos drog aga oberow.

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,