Ysay 28:2 - An Bibel Kernewek 20234 (Kernewek Kemmyn)

² Otta, yma dhe'n Arloedh onan yw krev ha galloesek, kepar ha tewedh keser, annawel terroesus, kepar ha tewedh dowrow meur ow fenna. Gans y leuv ev a's deghes yn-nans dhe'n nor.

Ysay 28:2 ပူးပေါင်းရင်းမြစ်များ

Job 22:16

Kibys vons kyns aga thermyn, aga selyow skubys dhe-ves gans liv.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 27:1

Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 29:6

Arloedh an luyow a dheu dhis gans taran ha dorgrys ha gans tros meur, gans tewedh hag annawel, ha flamm a dan ow kowlleski.

Ysay 30:28

Y hwyth yw avel avon ow fenna ow trehedhes bys an konna, dhe groedra an kenedhlow gans kroeder a dhistruyans, ha gorra fronn war dhiwen an bobel a wra dhedha mos yn stray.

Ysay 30:30

An Arloedh a wra dh'y lev meuredhek bos klewys, ha dhe strekys y vregh ow tiyskynna bos gwelys, gans konnar y sorr ha flamm a dan ow tevorya, gans kowas ha tewedh ha keserennow.

Ysay 32:19

Kyn fo an koeswik terrys yn-nans gans keser, ha'n sita levenhes orth an dor,

Ysay 40:10

Otta, an Arloedh Duw a dheu gans nerth ha'y vregh a rewl ragdho; otta, yma y wober ganso, ha'y werison a-ragdho.

Ysay 8:6

Drefenn an bobel ma dhe nagha dowrow Shiloagh, usi ow mos yn kosel, ha teudhi yn own a Resin mab Remalia;

Ezekiel 13:11

lavar ytho dhe'n re a's gwynngalgh, y fydh hi ow koedha. Glaw a liv yn-nans, ha keserennow a goedh, hag annawel a dardh.

Ezekiel 38:9

Ty a yskynn, ow tos yn-rag avel annawel, kepar ha kommolenn ow kudha an tir, ty ha'th luyow, ha genes poblow pals.

Daniel 9:26

Ha wosa an dhiw seythun ha tri-ugens, an den untys a vydh treghys dhe-ves, ha ny'n jevydh travyth; ha pobel an pryns usi ow tos a wra distrui an sita ha'n sentri. Hy diwedh a dheu dre liv, ha bys y'n diwedh y fydh bresel, ha terroes yw ordenys.

Nahum 1:8

Mes gans liv ow fenna ev a gowldhistru hy thyller, hag ev a helgh y envi bys yn tewlder.

Yoshua 10:11

Pan esens ow fia a-rag Ysrael war an fordh yn-nans dhe Beth-horon, an Arloedh a dewlis keserennow bras warnedha dhiworth nev bys Azeka, hag i a verwis; moy anedha a verwis drefenn an keserennow es dell veu ledhys gans kledhedhyow an Ysraelysi.

Diskwedhyans 18:8

Rakhenna, yn unn jydh y teu hy flaow, ankow, hag ahwer, ha divoetter, ha gans tan hi a vydh leskys, rag bos krev an Arloedh Duw neb a's breus.’

Diskwedhyans 8:7

Ha'n kynsa a hwythas hag y siwyas keser ha tan kemmyskys gans goes hag a veu tewlys dhe'n dor, ha'n tressa rann a'n norvys a veu leskys, ha'n tressa rann a'n gwydh a veu leskys hag oll an gwyrwels a veu leskys.