Ysay 28:19 - An Bibel Kernewek 20234 (Kernewek Kemmyn)

¹⁹ Peskweyth may tremen ev a'gas kemmer; myttin ha myttin y tremen, y'n jydh hag y'n nos. Konvedhes an derivas a vydh pur euth.

Ysay 28:19 ပူးပေါင်းရင်းမြစ်များ

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 18:13

Y'n peswardhegves blydhen a vyghtern Hezekia Sennagherib myghtern Assyria a dheuth erbynn oll an sitys kerys a Yuda, ha'ga hemmeres.

2 Myghternedh 21:12

rakhenna yndellma y lever an Arloedh, Duw Ysrael, My a dhre war Yerusalem ha Yuda kemmys droktra may hwra kosa diwskovarn pubonan a glew anodho.

2 Myghternedh 24:2

An Arloedh a dhannvonas er y bynn bagasow a Kaldeanys, bagasow a Aramysi, bagasow a Moabysi ha bagasow a Ammonysi; ev a's dannvonas erbynn Yuda rag y distrui, herwydh ger an Arloedh a gewsis der y wesyon an brofoesi.

Job 18:11

Browaghow a'n euthyk war bub tu, ha'y helghya, ow pratha orth y dhewseudhel.

Job 24:17

Rag tewlder down yw myttin dhedha i oll; kowetha yns dhe vrowaghow tewlder down.

Job 41:9

‘Neb a'n jeves govenek a'y gachya yw toellys; yth yw tewlys dhe'n dor orth an gwel anodho hogen.

Job 6:4

Rag yma sethow an Ollgalloesek ynnov; ow spyrys a yv aga gwenon; browaghow Duw yw arayys er ow fynn.

Salmow 55:4

Ow holonn yw paynys yn feur a-bervedh ynnov, hag euth ankow re goedhas warnav.

Salmow 88:15

Truan veuv ha parys dhe verwel dhiworth ow yowynkneth; my re borthas own ahanas, hag yn desper ov vy.

Ysay 33:7

Otta, gwer golonnek a gri y'n stretys; kannasow kres a oel yn hwerow.

Ysay 36:22

Ena Elyakim mab Hilkia, governour an palys, ha Shebna an pennskrifennyas ha Yoagh mab Asaf an kovadhor a dheuth dhe Hezekia skwardys aga dillas, ha derivas dhodho geryow an Rabshake.

Ysay 37:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Yeremia 19:3

ha lavar: Klewewgh ger an Arloedh, A vyghternedh Yuda, hag annedhysi Yerusalem. Yndellma y lever Arloedh an luyow, Duw Ysrael: Otta, my a dhre anfeusi war an tyller ma, may kosso diwskovarn neb a'n klew.

Yeremia 4:5

Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 4:9

Hag y hwyrvydh y'n jydh na, yn-medh an Arloedh, kolonn an myghtern na dhe goll, ha kolonn an bennternedh; krena a wra an oferysi, ha dyegrys vydh an brofoesi.

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Kynvannow 2:22

Ty a elwis seul a'm broweghi a'm kyrghynn kepar dell ve yn dy'goel; hag yn dydh sorr an Arloedh nyns esa denvyth a skapyas na diank; seul a wrug vy aga dineythi ha maga ow eskar re dhistruis.

Daniel 7:28

Ottomma diwedh an mater. My, Daniel, o troblys yn fen gans ow frederow, ha'm liw a janjyas, mes my a withas an dra y'm brys.

Daniel 8:27

Ha my, Daniel, a glamderas, hag o klav dre nebes dydhyow; ena my a sevis ha gul negys an myghtern. Mes skruth a'm kemmeras drefenn an welesigeth, o dres konvedhes.

Habakkuk 3:16

My a woslowas ha'm torr a grenas; orth an son ow diwweus a dremblas, podredhes a dheu y'm eskern ha'm diwarr a dhegren yn-dannov. Yn kosel my a worta dydh an ahwer dhe dhos war bobel a omsett er agan pynn.

1 Samuel 3:11

Ha'n Arloedh a leveris dhe Samuel, ‘Otta, my a wra tra a verr spys yn Ysrael a wra dhe dhiwskovarn peub a'n klew kosa.