Ysay 28:13 - An Bibel Kernewek 20234 (Kernewek Kemmyn)

¹³ Ger an Arloedh a vydh dhedha, ‘Rewl war rewl, rewl war rewl, linenn war linenn, linenn war linenn, banna omma, banna ena’, rag mayth ellons ha koedha war-dhelergh ha bos terrys, ha maglennys, ha kemmerys.

Ysay 28:13 ပူးပေါင်းရင်းမြစ်များ

Salmow 69:22

Bedhes aga moes antell a-dheragdha, ha'ga offrynnow kres, bedhens maglenn.

Ysay 28:10

Rewl war rewl, rewl war rewl, linenn war linenn, linenn war linenn, banna omma, banna ena.’

Ysay 59:10

Palvala a wren war fos avel an dhellyon, ha ni a balval avel an re heb dewlagas. Ni a drebuch yn hanter-dydh kepar hag yn tewlwolow; yn mysk an re grev, yth on ni avel an re varow.

Hosea 6:5

Ytho my a's nadhas dre'n brofoesi, my a's ladhas dre eryow ow ganow; ow breusow eth war-ves avel golow.

Hosea 8:12

Kyn skrifav ragdho ordenansow diniver ow lagha, akontys yns avel neppyth astranj.

Matthew 13:14

Hag a-dro dhedha yma kollenwys profoesans Ysay neb a lever, “Ow klewes y klewowgh, mes ny gonvedhowgh, hag ow mires y firowgh, mes ny aswonnowgh,

Matthew 21:44

Ha neb a goedh war an men ma a vydh terrys dhe demmyn, mes neb may koettho an men warnodho, ev a vydh skwattys dhe dhoust.’

Romanyon 11:9

Ha Davydh a lever, ‘Bedhes aga moes maglenn ha roes hag antell hag attal dhedha;

2 Korinthianys 2:16

dhe'n re ma odour a vernans dhe'n mernans, ha dhe'n re na odour a vewnans dhe vewnans. Piw yw da lowr rag an traow ma?

2 Peder 3:16

kepar dell skrif ynwedh yn oll y lytherow, ow kewsel ynna a-dro dhe'n taklow ma. Ynna yma taklow yw kales dhe gonvedhes, may ma an re dhidhysk ha'n re heb faster orth aga stumma, ha'n skryptors erell ynwedh, dh'aga diswrians aga honan.