Ysay 28:12 - An Bibel Kernewek 20234 (Kernewek Kemmyn)

¹² dhedha may leveris ‘Homm yw an bowesva, gwrewgh an den skwith dhe bowes, ha hemm yw tyller diskwitha’, mes ny vynnens klewes.

Ysay 28:12 ပူးပေါင်းရင်းမြစ်များ

Ysay 30:15

Rag yndellma y lever an Arloedh Duw, Sans Ysrael: Yn edrega ha powes hwi a vydh selwys, yn kosoleth ha fydhyans y fydh agas nerth, mes ny'n mynnewgh.

Yeremia 6:16

Yndellma y lever an Arloedh, Sevewgh war an fordhow, ha mirewgh ha hwilewgh an hynsyow koth, le mayth yw da an fordh; ha kerdhes ynni ha hwi a gyv powes dh'agas enevow. Mes yn-medhons, ‘Ny vynnyn kerdhes ynni.’

Zekaria 7:14

My a wrug aga skattra gans korwyns yn mysk oll an kenedhlow na's aswonnsons. An tir a veu ynyal war aga lergh, ma na wrug denvyth tremena dredho na dehweles. Y hwrussons an tir hweg dhe vos ynyal.

Yeremia 44:16

‘A-dro dhe'n ger a gewssys dhyn yn hanow an Arloedh, ny woslowyn orthis.

Ysay 11:10

Y'n jydh na gwreydhenn Yesse a sev avel baner dhe'n poblow; an kenedhlow a'n hwila, ha'y bowesva a vydh gloryus.

Ebrowyon 12:25

Gwaytyewgh na'n nagghewgh neb a gews. Rag mar ny wrussons an re na dhiank pan naghsons neb a's gwarnyas war an nor, hwath dhe le y hwren ni diank anodho neb a'gan gwarn a nev.

Zekaria 7:11

Mes i a skonyas a woslowes; i a dreylyas aga skoedh yn hworth ha stoppya aga skovornow a glewes.

2 Kroniklys 14:11

Asa a grias dhe'n Arloedh y Dhuw, ‘A Arloedh, nyns eus dihevelepter ragos yntra gweres an re grev ha'n re wann. Gweres ni, A Arloedh agan Duw, rag ni a drest ynnos, hag yn dha hanow ni re dheuva erbynn an routh ma. A Duw, na dryghes den marwel er dha bynn.’

Ysay 32:17

Ober gwiryonedh a vydh kres, ha siwyans ewnder a vydh kosoleth ha sawder bys vykken.

Ysay 32:18

Ow fobel a drig yn peurva hebask, yn annedhow saw, hag yn powesvaow kosel.

Ysay 29:12

Ha pan yw an lyver res dhe dhen anlettrys, ow leverel, ‘Lenn hemma’, yn-medh ev, ‘Ny wonn lenna.’