Ysay 28:1 - An Bibel Kernewek 20234 (Kernewek Kemmyn)

¹ Go-hi gurun woethus pennow-medhow Efraym, ha bleujenn gwedhrys y dekter splann, usi war benn nans fethus an re medhwys gans gwin!

Ysay 28:1 ပူးပေါင်းရင်းမြစ်များ

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Kroniklys 28:6

Pekagh mab Remalia a ladhas hwegh ugens mil yn Yuda a-ji dhe unn jydh, oll anedha kasoryon grev, drefenn i dhe forsakya an Arloedh, Duw aga thasow.

Lavarow Koth 23:29

Piw a'n jeves guw? Piw a'n jeves galar? Piw a'n jeves kedrynnow? Piw a'n jeves goliow heb acheson? Piw a'n jeves dewlagas wythiek?

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 5:11

Go-i a dhifun myttin a-varr dhe helghya korev, ha tarya bys nos, ynflammys gans gwin.

Ysay 5:22

Go-i neb yw galloesek dhe eva gwin, ha kampyoryon dhe gemmyska korev,

Ysay 8:4

rag kyns an flogh dhe wodhvos gelwel ‘Ow thas’ hag ‘Ow mamm’, rychys Damaskus ha preydh Samaria a vydh degys dhe-ves a-rag myghtern Assyria.

Ysay 9:11

Ytho an Arloedh a dhrehevis envi er aga fynn, ha provokya aga eskerens,

Ysay 9:8

An Arloedh re dhannvonas ger dhe Yakob; y koedh war Ysrael.

Ysay 9:9

Oll an bobel a'n godhvydh, Efraym hag annedhysi Samaria; neb a leveris gans goeth ha balghder a golonn:

Hosea 4:11

Fornikasyon ha gwin ha gwin nowydh a gemmer dhe-ves an golonn.

Hosea 5:5

Goeth Ysrael a dhest er y bynn; Ysrael hag Efraym a drebuch yn aga hammhynseth; Yuda ynwedh a drebuch gansa.

Hosea 5:9

Efraym a vydh ynyal yn dydh an geredh. Yn mysk loethow Ysrael deklarya a wrav an pyth yw sur.

Hosea 6:10

Yn chi Ysrael my a welas tra vil. Ena yma fornikasyon Efraym, defolys yw Ysrael.

Hosea 7:5

Yn dy'goel agan myghtern an bennternedh a veu klav gans toemmder an gwin; ev a ystynnas y dhiwla gans an re a wra ges.

Levitikus 26:19

Ha my a derr goeth agas nerth, ha my a wra agas nev avel horn ha'gas dor avel brons.

Amos 2:12

Mes hwi a wrug dhe'n nazirysi eva gwin, ha gorhemmynna a wrussowgh dhe'n brofoesi, ow leverel, ‘Na brofoesewgh!’

Amos 2:8

War dhillas kemmerys yn goestel i a wrowedh ryb pub alter; ha gwin a'n re neb re beu spalys a evons yn chi aga Duw.

Amos 4:1

Klewewgh an ger ma, hwi vughes Bashan neb usi war venydh Samaria, neb a wask an voghosogyon, owth arwaska an edhommogyon, neb a lever dh'aga gwer, ‘Doro, mayth yffyn!’

Amos 6:1

Go-i an re usi attes yn Sion, ha'n re a omsyns saw war venydh Samaria, yw henwys kynsa an gwlasow, ha dhedha y teu chi Ysrael!

Amos 6:4

An re usi a'ga growedh war weliow a dhans olifans hag owth omystynna yn lows war aga gweliow-dydh; ow tybri hordhes yowynk dhiworth an flokk, ha leughi yn-mes a'n stall;

Amos 6:6

I a yv gwin yn bollow owth omuntya gans oylys a'n finna, mes nyns yns i duwenhes drefenn terroes Yosep!

Amos 6:8

An Arloedh Duw re dos ren y enev y honan (yn-medh an Arloedh, Duw an luyow): Kas genev yw goeth Yakob, ha kas genev yw y balesyow; ha my a dhaskorr an sita ha pup-tra eus ynni.