Ysay 27:5 - An Bibel Kernewek 20234 (Kernewek Kemmyn)

⁵ Poken treylyens dhymm rag skovva; gwrens i kres genev vy, ya, gwrens i kres genev vy.

Ysay 27:5 ပူးပေါင်းရင်းမြစ်များ

Job 22:21

‘Bydh akordys gans Duw hag yn kres; dre henna dader a dheu dhis.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 25:4

Ty re beu dinas dhe'n den gwann, dinas dhe'n den truan yn y ahwer, skovva rag an gowas ha goskes rag toemmder. Rag anall turans yw kepar ha kowas a-has erbynn fos.

Ysay 26:12

A Arloedh, ty a orden kres ragon, rag pup-tra a wrussyn, ty a'n gwrug ragon.

Ysay 42:19

Piw yw dall marnas ow gwas, po bodhar avel ow hannas a dhannvonav? Piw yw dall avello ev neb yw omres dhymm? po dall avel gwas an Arloedh?

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 56:2

Gwynnvys an gour a wra hemma, ha mab an den a gyv dalghenn ynno, neb a with an sabot heb y dhisakra, ha neb a with y leuv dhiworth gul oll drog.

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Luk 13:34

Yerusalem, Yerusalem, neb a ladh an brofoesi ha labydha an re yw dannvenys dhis, peskweyth y yeunis vy kuntell dha fleghes war-barth kepar dell guntell yar hy yerigow yn-dann hy eskelli, ha ny vynnsowgh!

Luk 14:32

Poken, hag ev hwath pell, ev a dhannvon kannasedh ow hwilas ambosow kres.

Luk 19:42

ow leverel, ‘Mar kodhves, ty ynwedh, y'n jydh ma an taklow a led dhe gres! – mes lemmyn kudhys yns a'th tewlagas.

Ebrowyon 6:18

may fen kennerthys yn krev, pan fiyn rag skovva, dhe dhalghenna an govenek gorrys a-ragon, dre reson dew dra na yll Duw gowleverel ynna.

Yoshua 10:6

Gwer Gibeon a dhannvonas dhe Yoshua dhe'n lu yn Gilgal, ow leverel, ‘Na forsak dha wesyon; deus yn-bann dhyn uskis, ha saw ni, ha gweres ni; rag oll myghternedh an Amorysi yn vro venydhyek re omguntellas er agan pynn.’