Ysay 27:13 - An Bibel Kernewek 20234 (Kernewek Kemmyn)

¹³ Hag y'n jydh na, an hirgorn bras a vydh hwythys, ha'n re a veu kellys yn pow Assyria, ha'n re a veu divres yn pow Ejyp a dheu ha gordhya an Arloedh y'n menydh sans, yn Yerusalem.

Ysay 27:13 ပူးပေါင်းရင်းမြစ်များ

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

1 Kroniklys 15:24

Shebania, Yoshafat, Nethanel, Amasay, Zekaria, Benaya, hag Eliezer, an oferysi, a vedha ow hwytha an hirgern a-dherag argh Duw. Obed-edom ha Yehia ynwedh a vedha porthoryon rag an argh.

Salmow 47:5

Duw re yskynnas gans garm lowender, an Arloedh gans lev an trompa.

Salmow 81:3

Hwythewgh an trompa y'n loer nowydh, y'n loer leun, yn agan dy'goel.

Salmow 89:15

Gwynnvys an bobel a aswonn an arm heudhik, neb a gerdh, A Arloedh, yn golow dha fas.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 11:12

Ev a dhrehav baner rag an kenedhlow ha kuntell divresow Ysrael, ha dri war-barth an re skattrys a Yuda dhiworth peswar korn an norvys.

Ysay 11:16

y fydh fordh-veur dhiworth Assyria rag remenant y bobel yw gesys, kepar dell veu rag Ysrael y'n jydh mayth yskynnas yn-mes a bow Ejyp.

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 19:21

An Arloedh a wra y honan aswonnys dhe Ejyp, hag Ejyp a aswonn an Arloedh y'n jydh na, ha gul sakrifisow hag offrynnow greun; i a ambos ambosow dhe'n Arloedh ha'ga hewera.

Ysay 19:22

An Arloedh a wysk Ejyp gans pla, ow kweskel hag ow sawya. I a dreyl dhe'n Arloedh hag ev a woslow orth aga fysadow, ha'ga sawya.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 25:6

War an menydh ma Arloedh an luyow a wra rag oll an poblow kevewi a voes rych gans oyl, kevewi a win koth, boes rych sawrys gans mer, gwin koth sidhlys.

Ysay 43:6

My a lever dhe'n gledhbarth, ‘Daskorr i!’ ha dhe'n dhyghowbarth, ‘Na wra aga lesta! Dro ow mebyon a'n pellder ha'm myrghes a benn an norvys,

Ysay 49:7

Yndellma y lever an Arloedh, Dasprenyas Ysrael, ha'y Sans, dhodho ev neb yw dispresys fest yn town, kasadow dhe'n kenedhlow, keth rewloryon: ‘Myghternedh a wel hag a sev, ha pennsevigyon a ombleg dhe'n dor, drefenn an Arloedh neb yw lel, an Sans a Ysrael, neb re'th tewisas.’

Ysay 56:8

Yndellma y lever an Arloedh Duw, neb a guntell an re skattrys a Ysrael: My a guntell ynwedh erell dhedha, dres an re kuntellys dhedha seulabrys.

Ysay 66:18

My a woer aga gweythyow ha'ga thybyansow, ha my a dheu dhe guntell oll an kenedhlow ha'n tavosow; hag i a dheu ha gweles ow glori.

Ysay 66:23

Dhiworth unn loer nowydh dhe loer nowydh arall, ha dhiworth unn sabot dhe sabot arall, oll kig a dheu dhe wordhya a-ragov, yn-medh an Arloedh.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Yeremia 43:7

Hag i a dheuth bys yn pow Ejyp, rag ny woslowsons orth lev an Arloedh. Hag i a dheuth dhe Tahpanhes.

Yeremia 44:28

Ha'n re a dhienk a'n kledha a dhehwel yn-mes a bow Ejyp dhe bow Yuda, boghes aga niver; hag oll remenant Yuda, yw gyllys dhe driga yn pow Ejyp, a wra godhvos pyneyl yw an ger a sev, ow ger vy po aga ger i.

Ezekiel 20:34

My a'gas dre yn-mes a'n poblow ha'gas kuntelles dhiworth an powyow le may fewgh skattrys, gans leuv grev, ha gans bregh ystynnys, ha gans sorr dinewys.

Ezekiel 20:41

Kepar ha sawer plegadow my a'gas degemmer, pan y'gas drov yn-mes dhiworth an poblow, ha'gas kuntelles yn-mes a'n tiryow may fewgh skattrys ynna; ha my a vydh sanshes ynnowgh a-wel dhe'n kenedhlow.

Ezekiel 39:25

Rakhenna yndellma y lever an Arloedh Duw: Lemmyn my a dreyl kethneth Yakob ha kemmeres truedh war oll chi Ysrael; ha my a vydh avius rag ow hanow sans.

Daniel 11:45

Ev a worr tyldow y balys ynter an moryow, ha menydh sans an splannder. Mes ev a dheu dh'y dhiwedh, heb denvyth orth y weres.

Hosea 11:11

I a gren avel edhen yn-mes a Ejyp, avel kelemmi yn-mes a Assyria. My a wra dhedha triga yn aga threvow, yn-medh an Arloedh.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:3

Ny drigons yn tir an Arloedh; Efraym a dhehwel dhe Ejyp, ha dybri taklow avlan yn Assyria.

Levitikus 25:9

Ena ty a wra dhe'n hirgorn seni yn degves dydh an seythves mis; yn dydh an dehwelyans hwi a wra dhe'n hirgorn seni der oll agas tir.

Mika 7:14

Bugel dha bobel gans dha vagel, para dha eretons, hag a drig y honan yn koeswik y'n kres a dir feyth; peurens yn Bashan ha Gilead kepar hag y'n dydhyow koth.

Zekaria 14:16

Pubonan a vo gesys dhiworth oll an kenedhlow neb a dheuth erbynn Yerusalem a wra mos yn-bann a vlydhen dhe vlydhen dhe wordhya an Myghtern, Arloedh an luyow, ha dhe solempnya goel an skovvaow.

Zekaria 8:7

Yndellma y lever Arloedh an luyow: My a wra sawya ow fobel a-dhiworth bro an howldrevel ha bro an howlsedhes.

Malaki 1:11

Rag meur yw ow hanow yn mysk an kenedhlow, dhiworth an howldrevel ha bys an howlsedhes, hag yn pub le yma ynkys offrynnys dhe'm hanow, hag offrynn pur, rag meur yw ow hanow yn mysk an kenedhlow, yn-medh Arloedh an luyow.

Matthew 24:31

hag ev a dhannvon y eledh gans son bras a hirgorn, hag i a guntell war-barth y bobel dhewisys, yn-mes a'n peswar gwyns dhiworth a'n eyl penn a'n nevow dh'y gila.

Luk 4:18

‘Yma Spyrys an Arloedh warnav vy, rag ev re'm untyas dhe dhri nowodhow da dhe'n voghosogyon; ev re'm dannvonas dhe bregoth livreson dhe'n gethyon, ha restorita gweles dhe'n dhellyon, dhe dhannvon dhe-ves yn rydh an re arweskys,

Romanyon 10:18

Mes my a lever, A wrussons i klewes? Gwrussons yn hwir! Rag ‘Dhe'n bys oll yth eth aga lev, ha'ga geryow dhe bennow an norvys.’

1 Thessalonianys 4:16

Rag an Arloedh y honan gans kri gorhemmynn, gans lev arghel, ha gans hirgorn Duw, a dhiyskynn dhiworth nev, ha'n re varow yn Krist a sev yn kynsa.

Ebrowyon 12:22

Mes hwi re dheuth dhe venydh Sion ha sita an Duw bew, Yerusalem an nevek, ha dhe eledh dres niver yn kuntelles solem,

Diskwedhyans 10:7

mes yn dydhyow lev an seythves el, pan ombareus dhe hwytha an hirgorn, kevrin Duw a vydh kowlwrys kepar dell dherivas ev dh'y wesyon an brofoesi.’

Diskwedhyans 8:2

Ha my a welas an seyth el usi ow sevel a-dherag Duw, ha seyth hirgorn a veu res dhedha.

Diskwedhyans 8:6

Ha'n seyth el ha gansa an seyth hirgorn a ombareusis dh'aga hwytha.

Diskwedhyans 9:14

ow leverel dhe'n hweghves el ha ganso an hirgorn, ‘Lows an peswar el yw kelmys war an avon veur Ewfrates.’