Ysay 27:1 - An Bibel Kernewek 20234 (Kernewek Kemmyn)

¹ Y'n jydh na an Arloedh a gessydh gans y gledha kales, bras ha krev Lawethan an sarf usi ow fia, Lawethan an sarf usi ow gwrynya; ha ladha an dhragon usi y'n mor.

Ysay 27:1 ပူးပေါင်းရင်းမြစ်များ

Job 26:13

Der y anall an nevow eth ha bos teg; y dhorn a wanas an sarf slynk.

Job 3:8

Milligens hi an re a villik an jydh, neb a woer gul Leviathan dhe dhifuna.

Job 40:19

‘Ev yw an kynsa yn mysk oberow Duw – ny yll marnas y Wrier y ladha.

Job 41:1

‘A yllydh tenna Lawethan yn-mes gans higenn-bysk, po kelmi y daves yn-nans gans lovan?

Salmow 104:26

Ena yth a an gorholyon, hag ena yma Lawethan a formsys dhe wari ynno.

Salmow 45:3

Kolm dha gledha war dha vordhos, ty vreselyas, gans dha splannder ha'th veuredh.

Ysay 26:21

Rag awotta an Arloedh ow tos yn-mes a'y le dhe gessydhya annedhysi an norvys rag aga anewnder. An dor a dhiskudh an krow skoellys warnodho; ha ny gudh y re ledhys byth moy.

Ysay 51:9

Difun, difun, omwisk yn nerth, A vregh an Arloedh. Difun kepar hag y'n dydhyow koth, henedhow an termyn pell, A ny veu ty hag a droghas Rahab yn temmigow, hag a wanas an dhragon?

Ysay 65:12

My a wra agas destna rag an kledha, ha hwi oll a ombleg dhe'n ladhva; rag my a'gas gelwis, mes ny worthybsowgh, my a gewsis mes ny glewsowgh. Hwi a wrug drog a-wel dhymm ha dewis an dra na veu plegadow dhymm.

Ysay 65:25

Bleydh hag oen a beur war-barth, ha lew avel ojyon a dheber kala', mes doust a vydh boes rag sarf. Ny wrons dregynn na distrui yn oll ow menydh sans, yn-medh an Arloedh.

Ysay 66:16

Rag gans tan an Arloedh a wra breus, ha gans y gledha, war oll kig; ha pals vydh an re ledhys gans an Arloedh.

Yeremia 47:6

A, kledha an Arloedh, pes termyn y fydh bys pan vi kosel? Dehwel y'th woen, powes ha bydh kosel.

Yeremia 51:13

Ty neb usi trigys ryb dowrow meur, gans palster a dresoryow, dha dhiwedh yw devedhys, musur dha vewnans yw treghys.

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Amos 9:3

Kynth omgudhons war wartha menydh Karmel, my a's hwila alena ha'ga hemmeres; ha kynth yns i kudhys a-dherag ow dewlagas yn goeles an mor, ena my a worhemmynn dhe'n sarf, ha hi a's brath.

Diskwedhyans 12:3

Ha ken tokyn a veu gwelys yn nev, hag otta, dragon rudh meur gans seyth penn ha deg korn ha seyth diadem war hy fennow.

Diskwedhyans 13:11

Ha my a welas ken best owth yskynna yn-mes a'n dor; hag yth esa dhodho dew gorn kepar hag oen, hag yth esa ow kewsel kepar ha dragon.

Diskwedhyans 13:4

Hag i a wordhyas an dhragon rag hi dhe ri galloes dhe'n best: hag i a wordhyas an best, ow leverel, ‘Piw yw kepar ha'n best, ha piw a yll gwerrya ganso?’

Diskwedhyans 16:13

Ha my a welas tri spyrys avlan kepar ha kwilkynyow ow tos yn-mes dhiworth ganow an dhragon, ha dhiworth ganow an best, ha dhiworth ganow an fals profoes.

Diskwedhyans 17:1

Hag onan a'n seyth el gans an seyth fiol a dheuth dhe gewsel orthiv, ow leverel, ‘Deus, my a vynn diskwedhes dhis breus an hora veur yw esedhys war lies dowr,

Diskwedhyans 17:15

Hag yn-medh ev dhymm, ‘An dowrow a welsys le may ma an hora esedhys yw poblow ha routhow, ha kenedhlow ha tavosow.

Diskwedhyans 19:21

Ha'n re erell a veu ledhys gans an kledha a dheuth dhiworth an ganow a neb esa owth esedha war an margh, an kledha a dheuth dhiworth y anow; hag oll an ydhyn a veu lenwys a'ga hig.

Diskwedhyans 2:16

Kemmer edrek; poken dos dhiso yn skon a vynnav hag omladh er aga fynn gans kledha ow ganow.

Diskwedhyans 20:2

Hag ev a settyas dalghenn y'n dhragon, an sarf goth na, yw an Jowl ha Satnas, hag a's kolmas mil vlydhen;