Ysay 26:8 - An Bibel Kernewek 20234 (Kernewek Kemmyn)

⁸ Yn hyns dha vreusow, ni a'th worta A Arloedh; dha hanow ha dha govadh yw hwans an enev.

Ysay 26:8 ပူးပေါင်းရင်းမြစ်များ

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

Salmow 106:3

Gwynnvys an re a syns gwirvreus, hag a wra ewnder pup-prys.

Salmow 130:5

My a worta an Arloedh; ow enev a'n gorta, hag yn y er ev y trestyav;

Salmow 18:23

Hag yth en vy divlam a-dheragdho, ha my a omwithas dhiworth ow hammweyth.

Salmow 42:2

Yma dhe'm enev syghes war-lergh Duw, an Duw bew. P'eur tov vy hag omdhiskwedhes a-dherag Duw?

Salmow 65:6

Der y nerth y hwra ev fastya an menydhyow; yma grogys a alloes a-dro dhodho.

Salmow 73:25

Piw a'm beus y'n nevow marnas ty? Ha nyns eus travyth war an nor a yeunniv marnas ty.

Salmow 84:2

Ow enev yw hirethek, hi a yeun ynwedh war-lergh klosyow an Arloedh; ow holonn ha'm kig a arm yn lowen war an Duw bew.

Eksodus 3:15

Duw a leveris ynwedh dhe Moyses, ‘Lavar hemma dhe vebyon Ysrael, “An Arloedh, Duw agas tasow, Duw Abraham, Duw Ysak, ha Duw Yakob, re'm dannvonas dhywgh”: hemm yw ow hanow bys vykken, hag yndellma my a vydh kovhes dres henedhow oll.

An Gan a Ganow 5:8

My a'gas konjor, A vyrghes Yerusalem, mar kevowgh ow haradow, leverewgh orto ow bos klav dre gerensa.

Ysay 12:4

Y'n jydh na hwi a lever: Gormelewgh an Arloedh, gelwewgh war y hanow; gwrewgh y wriansow godhvedhys yn mysk an poblow, deklaryewgh y hanow dhe vos ughelhes.

Ysay 24:15

Rakhenna y'n howldrevel ri glori dhe'n Arloedh; hanow an Arloedh, Duw Ysrael, yn ynysow an mor.

Ysay 25:1

A Arloedh, ty yw ow Duw; my a'th ughelha, my a wormel dha hanow, rag ty re wrug marthusyon, towlow a'n termyn koth, len ha sur.

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 26:13

A Arloedh agan Duw, arlydhi erell re'gan rewlyas a-der ty, mes dha hanow unnsel ni a venek.

Ysay 30:18

Rakhenna an Arloedh a worta dhe vos grassyes orthowgh; ha rakhenna ev a sev dhe gemmeres truedh ahanowgh. Rag an Arloedh yw Duw a wirvreus, gwynnvys kemmys a'n gorta.

Ysay 33:2

A Arloedh, bydh grassyes orthyn; ni re'th wortas. Bydh agan bregh pub myttin, ha'gan selwyans yn termyn ankres.

Ysay 49:23

Myghternedh a vydh dha dasvethow, ha'ga fennsevigesow a vydh dha vammvethow, i a ombleg dhis ha'ga fas dhe'n dor, ha lapya doust dha dreys. Ena ty a woer my dhe vos an Arloedh; an re a'm gorta, ny's tevydh meth.

Ysay 51:4

Goslowewgh orthiv, ow fobel, hag attendyewgh orthiv, ow henedhel; rag lagha a yn-mes a-dhiworthiv, ha'm ewnder a vydh golow dhe'n kenedhlow.

Ysay 56:1

Yndellma y lever an Arloedh: Gwithewgh gwirvreus ha gwrewgh ewnder, rag ow selwyans a dheu a verr spys ha'm ewnder a vydh diskudhys.

Mika 4:5

Rag an poblow oll a gerdh, pubonan yn hanow y dhuw; mes ni a gerdh yn hanow an Arloedh agan Duw ni, bys vykken ha bynnari.

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Malaki 4:4

Perthewgh kov a lagha ow gwas Moyses, an ordenansow ha'n breusow a erghis vy dhodho war Horeb rag oll Ysrael.

Niverow 36:13

An re ma yw an gorhemmynnow ha'n breusow a worhemmynnis an Arloedh dre leuv Moyses dhe vebyon Ysrael yn plenys Moab ryb Yordan a-dal Yeriko.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Oberow 1:4

hag owth omguntell gansa, ev a erghis dhedha ma na dhibarthens a Yerusalem, mes gortos dedhewadyow an Tas, ‘hag a glewsowgh ahanav’, yn-medh ev;

Romanyon 8:25

Mes mar kwaytir an pyth na welir, gans mall y'n gwaytir.

2 Thessalonianys 3:5

Re wrello an Arloedh gidya agas kolonn dhe gerensa Duw ha dhe berthyans Krist.