Ysay 26:6 - An Bibel Kernewek 20234 (Kernewek Kemmyn)

⁶ An troes a's trett, treys an den truan, pasys an voghosogyon.

Ysay 26:6 ပူးပေါင်းရင်းမြစ်များ

2 Myghternedh 9:33

Ev a leveris, ‘Tewlewgh hi yn-nans.’ Ytho i a's tewlis yn-nans; nebes a'y goes a lagennas war an fos, ha war an vergh, hag i a stankyas warnedhi.

Ysay 11:4

mes ev a vreus an edhommogyon gans ewnder, hag ervira gans ewnder rag boghosogyon an norvys. Ev a wysk an norvys gans gwelenn y anow, ha gans spyrys y dhiwweus ev a ladh an tebelwas.

Ysay 25:10

Rag leuv an Arloedh a bowes war an menydh ma. Moab a vydh trettys yn-dann dreys yn dyller dell yw kala trettys yn teylek.

Ysay 28:3

Trettys yn-dann dreys a vydh kurun woethus pennow-medhow Efraym.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 3:14

An Arloedh a dheu yn breus gans henavogyon ha pennsevigyon y bobel: Hwi yw neb re dhiswrug an winlann; yma preydh an boghosek yn agas chiow.

Ysay 3:15

Pyth yw dhywgh, hwi dhe vrewi ow fobel, ha melyas fasow an voghosogyon? yn-medh an Arloedh, Duw an luyow.

Ysay 37:25

My re balas puthow hag eva dowrow; my re dhesyghas dre wodhen ow throes oll goverow Ejyp.”

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Yeremia 50:45

Ytho klewewgh kusul an Arloedh erbynn Babylon, ha'n porposys re wrug ev erbynn tir an Kaldeanys: Yn sur an lyha a'n flokk a vydh draylys dhe-ves; yn sur ev a wra aga feurva ynyal ragdha.

Daniel 7:27

Ha'n wlaskor ha'n mestrynses ha meuredh an gwlaskordhow yn-dann oll an nev a vydh res dhe bobel syns an Ughella. Y wlaskor a vydh gwlaskor a dhur bys vykken, hag oll an rewloryon a wra y servya hag orto bos gostydh.’

Sefania 3:11

Y'n jydh na ny vydhydh methek a oll dha wriansow may hwrussys ynna drogober er ow fynn: rag ena my a gemmer dhe-ves a-dhiworthis an dus a lowenha y'th woeth ha ny vydhydh goethus namoy war ow menydh sans.

Malaki 4:3

Ena hwi a drett an debeles; i a vydh lusu yn-dann wodhnow agas treys y'n jydh may hwrav an taklow ma, yn-medh Arloedh an luyow.

Luk 10:19

Awotta, my re ros dhywgh awtorita dhe drettya war serf ha skorpyons, ha war oll galloes an eskar, ha ny wra travyth agas pystiga mann.

Romanyon 16:20

Ena an Duw a gres a vrew Satnas yn-dann agas treys hware. Gras agan Arloedh Yesu Krist re bo genowgh.

1 Korinthianys 1:26

Prederewgh a'gas galow agas honan, breder: nyns o nameur ahanowgh skentel war-lergh savonow mab-den, nyns o nameur galloesek, nyns o nameur genys a'n goes ughel,

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Yoshua 10:24

Pan dhrosons yn-mes an vyghternedh ma dhe Yoshua, Yoshua a elwis oll gwer Ysrael ha leverel dhe gaslewydhyon an soudoryon eth ganso, ‘Dewgh nes, gorrewgh agas treys war gonnaow an vyghternedh ma.’ I a dheuth nes ha gorra aga threys war aga honnaow.

Diskwedhyans 2:26

Ha dhe neb a fettho ha gwitha ow gwriansow bys y'n diwedh, my a re galloes war an kenedhlow,

Diskwedhyans 3:9

Otta, y hwrav gul dhedha a'n synaga a Satnas a lever aga bos Yedhewon, ha nyns yns, mes i a wowlever – otta, y hwrav gul dhedha dos dhe omblegya a-dherag dha dreys, ha godhvos my dhe'th kara.