Ysay 26:5 - An Bibel Kernewek 20234 (Kernewek Kemmyn)

⁵ Ev a uvelha an re usi trigys y'n ughelder, an sita ughel; ev a's iselha bys y'n dor ha'y thewlel bys y'n doust.

Ysay 26:5 ပူးပေါင်းရင်းမြစ်များ

Salmow 79:8

Na borth kov a gammweythresow agan hendasow; des dha druedh dhyn ni yn skon, rag gyllys pur isel on ni.

Ysay 13:11

My a gessydh an norvys rag y dhroktra, ha'n debeles rag aga sherewynsi. My a wra dhe woeth an re orgelus sessya, hag uvelhe balghder turans.

Ysay 14:13

Ty a leveris y'th kolonn, ‘My a yskynn dhe nev; my a dhrehav ow thron a-ugh ster Duw; esedhys vydhav war venydh an kuntelles, yn pella rannow an gogledh;

Ysay 2:12

Rag yma dhe Arloedh an luyow dydh erbynn pubonan yw goethus hag ughel, hag erbynn pubonan yw eksaltys, hag i a vydh uvelhes;

Ysay 24:10

An sita a dheray yw terrys dhe'n dor; pub chi yw deges, ma na yll denvyth entra.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Ysay 32:19

Kyn fo an koeswik terrys yn-nans gans keser, ha'n sita levenhes orth an dor,

Ysay 47:1

Deus yn-nans hag esedh y'n doust, A wyrghes, myrgh Babylon! Esedh war an dor heb tron, myrgh Kaldea! Rag ny'th henwir na fella tender ha bleudh.

Yeremia 51:37

ha Babylon a vydh karnedhow, trigva owrgeun, tra euth ha hwibana, heb annedhyas.

Yeremia 51:64

ha leverel, “Yndellma Babylon a sedh; ny vydh ow sevel namoy drefenn an anfeusi a dhrov warnedhi.” ’ Hemm yw diwedh geryow Yeremia.

Kynvannow 2:2

An Arloedh re gollonkas heb truedh oll annedhow Yakob; yn y sorr ev re dorras dinasow myrgh Yuda; ev re dhros bys y'n dor ha disenora an wlaskor ha'y rewloryon.

Ezekiel 26:11

Gans karnow y vergh ev a drett oll dha stretys; ev a ladh dha bobel gans an kledha, ha'th kolovenyow krev a goedh dhe'n dor.

Ezekiel 28:17

Dha golonn o goethus y'th tekter, ty a dhefolas dha furneth drefenn dha splannder. Ytho my a'th tewlis dhe'n dor, my a'th worras a-rag myghternedh, dhe vires warnas gans skorn.

Diskwedhyans 18:2

Hag ev a armas, nerthek y lev, ow leverel, ‘Koedhys, koedhys yw Babylon vras, ha devedhys yw trigva dywolow ha menowghva pub spyrys avlan, ha menowghva pub edhen avlan, ha menowghva pub best avlan ha kasadow.