Ysay 26:4 - An Bibel Kernewek 20234 (Kernewek Kemmyn)

⁴ Trestyewgh y'n Arloedh bynnari rag an ARLOEDH DUW yw karrek bys vykken.

Ysay 26:4 ပူးပေါင်းရင်းမြစ်များ

2 Kroniklys 20:20

I a sevis ternos myttin ha mos yn-mes dhe wylvos Tekoa; hag i ow mos yn-mes, Yehoshafat a sevis ha leverel, ‘Goslowewgh orthiv, A Yuda ha trigoryon Yerusalem! Trestyewgh y'n Arloedh agas Duw ha hwi a vydh fastys; trestewgh yn y brofoesi ha hwi a sewen.’

2 Kroniklys 32:8

Yma ganso bregh a gig; mes yma genen ni an Arloedh agan Duw rag agan gweres ha dhe vatalyas agan batelyow.’ An bobel o kolonnekhes gans geryow Hezekia myghtern Yuda.

Job 9:19

Mars yw mater a grevder, mir ha galloesek yw ev! Mars yw mater a wirvreus, piw a yll settya termyn rag ow goslowva?

Salmow 125:1

An re a fydh y'n Arloedh yw avel menydh Sion, na yll bos disevys, mes ev a dhur bys vykken.

Salmow 18:2

an Arloedh yw ow harrek, ha'm kastell, ha'm delivrer; ow Duw, ow harrek krev may hwilav skovva ynno, ow skoes, ha korn ow selwyans, ow dinas.

Salmow 46:1

Duw yw agan skovva ha'gan nerth, gweres yn anken na fyll nevra.

Salmow 55:22

Towl dha vegh war an Arloedh, hag ev a'th sosten; ny as ev nevra an re wiryon dhe drebuchya.

Salmow 62:11

Unnweyth re gewsis Duw, my re glewas hemma diwweyth: bos galloes dhe Dhuw.

Salmow 62:8

Trestyewgh ynno ev pup-prys, A bobel; dinewewgh agas kolonn a-dheragdho, rag Duw yw agan skovva. Sela.

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Salmow 66:7

Ev a rewl der y nerth bynitha; y dhewlagas a aspi an kenedhlow; na vedhes an re worth ughelhes.

Salmow 93:1

An Arloedh yw Myghtern, ev re omwiskas yn splannder; an Arloedh re omwiskas hag yma grogys a nerth a-dro dhodho. An norvys devri yw fastys, ma na yllir y dhisevel.

Ysay 12:2

Otta, Duw yw ow selwyans; my a fydh, ha ny borthav own, rag an Arloedh Duw yw ow nerth ha'm kan, hag ev yw ow selwyans.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 30:29

Y'gas bydh kan kepar hag yn nos solempnya goel, ha lowena an golonn, kepar dell gerdhir gans son an bib dhe dhos yn menydh an Arloedh, dhe Garrek Ysrael.

Ysay 32:2

Pubonan a vydh avel kudhva rag an gwyns, ha skovva rag an annawel, avel goverow dowr yn tir sygh, avel an skeus a garrek bras yn tir skwith.

Ysay 44:8

Na berthewgh own, bedhewgh diagha! A ny dharleveris dhis seuladhydh ha'y veneges? Hwi yw ow dustuniow. Eus Duw a-der my? Nyns eus karrek, ny aswonnav kammenn.

Ysay 45:17

Mes Ysrael a vydh selwys y'n Arloedh gans selwyans heb diwedh, ny'gas bydh meth na ny vydhowgh konfondys bys vykken.

Ysay 45:24

A-dro dhymmo vy y leverir, nag eus ewnder na nerth saw unnsel y'n Arloedh. Bys dhodho y teu gans meth peub a'n jevo sorr orto.

Ysay 50:10

Piw yn aga mysk a berth own a'n Arloedh hag yw gostydh dhe lev y was? Ev neb a gerdh yn tewlder, neb na'n jeves golow, byttegyns ev a drest yn hanow an Arloedh, ha poesa war y Dhuw.

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 63:1

‘Piw yw hemma ow tos dhiworth Edom, yn dillas rudhgogh dhiworth Bosra? Piw yw hemma gwiskys yn splannder, ow kerdhes yn-rag yn y alloes bras?’ ‘My y'th yw, ow kewsel yn ewnder, galloesek dhe sawya.’

Daniel 3:17

Yndella mars yw yn few, agan Duw neb a servyn a yll agan delivra mes a'n fornes a dan ow flammya, hag ev a'gan delirv mes a'th torn.

Daniel 3:28

[95] Ena Nebukadnessar a gewsis ow leverel, ‘Benniges re bo Duw Shadrak, Meshak hag Abednego, neb re dhannvonas y el, ha delivra y wesyon neb a drestya ynno, ha treylya ger an myghtern, ha ri aga horf rag na wrellons gologhas dhe dhuw vyth marnas dh'aga Duw i.

Matthew 28:18

Ha Yesu a dheuth, ha kewsel dhedha, ow leverel, ‘Pub galloes yn nev ha war an nor re beu res dhymm.

Matthew 6:13

Ha na wra agan dri yn temptasyon, mes delirv ni dhiworth drog.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

Dewteronomi 33:27

Duw heb diwedh yw skovva, hag a-woeles yma an breghow heb diwedh. Ev a fes an eskar a-ragos, hag ev a lever, ‘Distru!’

Filippianys 4:13

My a yll gul pup-tra dredho ev neb a re dhymm nerth.

1 Samuel 2:2

‘Nyns eus Sans kepar ha'n Arloedh, nyns eus nagonan marnas ty; nyns eus karrek kepar ha'gan Duw.