Ysay 26:17 - An Bibel Kernewek 20234 (Kernewek Kemmyn)

¹⁷ Kepar dell wra benyn gans flogh, ogas dhe dhineythi, gwynnel ha kria yn hy gloesow, yn kettella yth esen ni a-ragos, A Arloedh.

Ysay 26:17 ပူးပေါင်းရင်းမြစ်များ

Jenesis 3:16

Dhe'n venyn ev a leveris, ‘My a gress dha bayn yn feur ha ty gans flogh; yn payn y fydhydh ow tineythi fleghes, mes dha dhesir a vydh troha dha wour, hag ev a wra dha rewlya.’

Salmow 48:6

Skruth a's dalghennas ena, ha payn, avel benyn yn lavur.

Ysay 13:8

I a vydh dyegrys, gloesow ha keudh a's kemmer, i a vydh yn angoes kepar ha benyn ow tineythi. I a vir gans marth an eyl orth y gila, aga fasow a vydh avel flammow.

Ysay 21:3

Rakhenna ow diwglun yw leun a grena, gloesow a'm kemmeras kepar ha gloesow dineythi; troblys ov ma na allav klewes, ha dyegrys ov ma na allav gweles.

Ysay 37:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

Yeremia 30:6

Govynnewgh lemmyn ha mirewgh, a yll gour dineythi flogh? Ytho prag y hwelav pub gour ha'y dhiwleuv war y dhiwglun avel benyn yn gwelivesi, ha pub fas treylys gwannliwek?

Yeremia 4:31

Rag my re glewas lev avel benyn yn lavur, ha'n gloesow avelli hi neb a dhineyth hy hynsa flogh, lev myrgh Sion, ow tyena rag anall, ow lesa hy diwleuv, ‘Go-vy! Klamdera a wrav drefenn ladhoryon.’

Yeremia 6:24

‘Ni re glewas son anodho: diweres yw agan diwleuv: angoes re'gan dalghennas, ha poen avel benyn yn gwelivesi.

Yowann 16:21

Benyn pan vo hi yn lavur a's teves tristyns, rag bos devedhys hy eur; mes pan yw genys an flogh gensi, ny berth hi kov a'n payn na fella, drefenn an lowena, bos den genys y'n bys.

1 Thessalonianys 5:3

Tus pan leverons, ‘Yma kres ha diogeledh’, ena diswrians tromm a dheu warnedha kepar ha gloes dineythyans dhe venyn gans flogh, ha ny wrons diank mann.

Diskwedhyans 12:2

ha hi gans flogh y'n dorr, a armas yn gloesow, ow lavurya dhe dhineythi.