Ysay 26:16 - An Bibel Kernewek 20234 (Kernewek Kemmyn)

¹⁶ A Arloedh, yn ahwer i a'th hwilas; i a dhiveris pysadow pan veu dha hessydhyans warnedha.

Ysay 26:16 ပူးပေါင်းရင်းမြစ်များ

Salmow 142:2

My a dhyllo ow krodhvol a-dheragdho, my a dhiskwa a-dheragdho ow anken.

Salmow 27:8

Ow holonn re leveris ahanas, ‘Hwila y fas.’ Dha fas, A Arloedh, a hwilav vy.

Salmow 42:4

My a berth kov a hemma, ow skoellya ow enev a-bervedh ynnov; fatell gerdhyn vy gans an routh orth aga hembronk dhe ji Duw; gans lev a lowena ha grasyans, yn mysk routh ow synsi goel.

Salmow 50:15

Ha galw warnav yn dydh anken; my a'th telirv, ha ty a wra ow gordhya.

Salmow 77:3

My a berth kov a Dhuw, ha moredhek ov vy; my a breder yn town, ha'm enev a glamder. Sela.

Salmow 78:34

Pan y's ladhas, i a'n hwilas; hag i a dreylyas ha hwilas Duw dihwans.

Salmow 91:15

Ev a elow warnav ha my a worthyp dhodho; yth esov ganso yn anken, my a'n delirv ha'y enora.

Ysay 37:3

Yn-medhons dhodho, ‘Hezekia a lever hemma: An jydh ma yw dydh a alar ha keredh ha bismer; rag mebyon re dheuth bys min konna an brys, mes nyns eus nerth dhe dhineythi.

Yeremia 2:27

neb a leverel dhe wydhenn, ‘Ty yw ow thas’; ha dhe ven, ‘Ty a'm dineythis.’ Rag i re dreylyas aga heyn dhymm, a-der aga fas: mes yn termyn aga ahwer i a lever, ‘Sev, ha saw ni.’

Yeremia 22:23

A annedhyades Lebanon neythys y'n kederwydh, assa wre'ta kyni pan dheu gloesow warnas, poen avel gwreg yn gwelivos!

Yeremia 29:12

Ena hwi a elow warnav, hag yth ewgh ha pysi warnav, ha my a'gas klew.

Kynvannow 2:19

Yn-sol, kri nosweyth, yn dalleth an goelyow! Skoell dha golonn kepar ha dowr a-dherag fas an Arloedh! Drehav dha dhiwla dhodho a-barth enev dha fleghes, a glamder gans nown orth penn pub stret.

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Niverow 21:7

Ha'n bobel a dheuth dhe Moyses, ha leverel, ‘Ni re beghas, rag ni a gewsis erbynn an Arloedh hag er dha bynn; gwra pysi dhe'n Arloedh, may kemmerro an serf dhe-ves ahanan.’ Ytho Moyses a bysis rag an bobel.

Diskwedhyans 3:19

Myns a garav, a geredhav ha keski. Bydh diwysyk, ytho, ha kemmer edrek.

Breusysi 10:15

Ha mebyon Ysrael a leveris dhe'n Arloedh, ‘Ni re beghas; gwra dhyn ni pypynag a hevel da dhis; mes delirv ni, ni a'th pys, y'n jydh ma!’

1 Samuel 1:15

Mes Hanna a worthybis ha leverel, ‘Nansi, ow arloedh, benyn gans spyrys ahwerek ov; ny evis vy na gwin na korev, mes my re beu ow tiveri ow enev yn-mes a-dherag an Arloedh.