Ysay 26:15 - An Bibel Kernewek 20234 (Kernewek Kemmyn)

¹⁵ Ty re gressyas kenedhel, A Arloedh, ty re gressyas an genedhel; glorifiys os; Ty re voghhas oll oryon an tir.

Ysay 26:15 ပူးပေါင်းရင်းမြစ်များ

Jenesis 12:2

Ha my a vynn dha wul kenedhel vras, ha my a'th vennik ha gul dha hanow meur y vri, ha ty a vydh bennath:

Jenesis 13:16

Ha my a wra dha has kepar ha doust an dor: mar kyll den nivera doust an dor, dha has ynwedh a yll bos niverys.

1 Myghternedh 8:46

‘Mar peghons er dha bynn – rag nyns eus nagonan na begh – ha ty yw serrys gansa ha's redh dhe eskar, mayth ons degys dhe-ves yn kethneth dhe dir an eskar, pell po ogas;

2 Myghternedh 17:23

bys pan worras an Arloedh Ysrael mes a'y wel, dell lavarsa ev der oll y wesyon an brofoesi. Yndella y feu Ysrael degys dhe-ves yn divroedh, yn-mes a'ga thiredh aga honan dhe Assyria, bys y'n jydh ma.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

2 Myghternedh 23:27

An Arloedh a leveris, ‘My a gemmer Yuda ynwedh yn-mes a'm golok, kepar dell gemmeris Ysrael yn-mes; ha my a skon an sita ma a dhewisis, Yerusalem, ha'n chi a leveris vy anodho, ow hanow a vydh ena.’

Nehemia 9:23

Ty a gressyas aga mebyon avel ster an nev, ha'ga dri a-ji dhe'n tir a leversys dh'aga thasow dh'y entra ha dh'y erita.

Job 12:23

Ev a wra dhe genedhlow bos meur, hag ev a's distru; ev a voghha kenedhlow, ha'ga ledya dhe-ves.

Ysay 10:22

Kyn fydh dha bobel Ysrael avel tewes an mor, unnsel remenant anedhi a dhehwel. Kollva yw erghys, ow fenna gans ewnder.

Ysay 33:17

Dha dhewlagas a wel an myghtern yn y dekter i a wel tir owth ystynn pell.

Ysay 40:5

Ha glori an Arloedh a vydh diskwedhys, ha pub kig a wra y weles war-barth, rag ganow an Arloedh re gewsis.’

Ysay 44:23

Kenewgh, A nevow, rag an Arloedh re'n gwrug, germewgh, A dhownderyow an norvys; germewgh gans joy, A venydhyow, An goeswik ha pub gwydhenn eus ynno! Rag an Arloedh re dhasprenas Yakob, hag ev a vydh glorifiys yn Ysrael.

Ysay 6:12

bys pan wra an Arloedh dannvon tus pell dhe-ves, ha bos tylleryow forsakys pals yn mysk an tir.

Ysay 60:21

Oll dha bobel a vydh gwiryon hag i a erit an tir bys vykken. I yw skyllenn a blensis, ober ow diwla, dhe dhiskwedhes ow glori.

Ysay 9:3

Ty re gressyas an genedhel, ty re veurhas an lowena; i a lowenha a-ragos kepar hag yn lowender an goeldheys, kepar dell yw tus fest heudhik pan rannons preydh.

Yeremia 30:19

Hag yn-mes anedha y teu grasyans ha lev an re a lowenha. My a's liesha, ha ny vydhons boghes; my a's enor, ha ny vydhons iselhes.

Yeremia 32:37

Otta, my a's kuntell yn-mes a'n tiryow oll ma's fesyas yn ow sorr hag yn ow honnar hag yn sorrvann meur; ha my a's dre arta dhe'n tyller ma ha my a wra dhedha triga yn sawder.

Ezekiel 36:24

My a'gas kemmer dhiworth an kenedhlow, ha'gas kuntelles dhiworth oll an powyow, ha'gas dri dh'agas tir.

Ezekiel 5:12

Tressa rann ahanowgh a verow dre bla po mos dhe goll dre dhivoetter a-berth ynnos; tressa rann a goedh der an kledha a-dro dhis; ha tressa rann a skattrav dhe oll an gwynsow ha tenna an kledha war aga lergh.

Niverow 23:10

Piw a yll nivera doust Yakob, po rekna an peswora rann a Ysrael? Gas vy dhe verwel mernans an re wiryon, ha bedhes ow diwedh avel aga diwedh i!’

Luk 21:24

i a goedh dre vin an kledha hag a vydh kemmerys yn keth dhe oll an kenedhlow, ha Yerusalem a vydh trettys yn-dann dreys an Jentilys, bys pan vo termynyow an Jentilys kowlwrys.

Yowann 15:8

Yn hemma glorifiys yw ow Thas, hwi dhe dhoen meur a frut ha dhe vos dyskyblon dhymm.

Yowann 17:1

Wosa kewsel an taklow ma, Yesu a dhrehevis y dhewlagas dhe nev ha leverel, ‘Tas, re dheuth an eur; ro glori dhe'th Vab, rag may hwrello dha Vab ri glori dhiso jy,

Dewteronomi 10:22

Dha dasow eth yn-nans dhe Ejyp, deg ha tri-ugens enev; ha lemmyn an Arloedh dha Dhuw a'th settyas avel an ster a nev yn palster.

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.