Ysay 26:12 - An Bibel Kernewek 20234 (Kernewek Kemmyn)

¹² A Arloedh, ty a orden kres ragon, rag pup-tra a wrussyn, ty a'n gwrug ragon.

Ysay 26:12 ပူးပေါင်းရင်းမြစ်များ

Salmow 29:11

An Arloedh a re nerth dh'y bobel; an Arloedh a vennik y bobel gans kres.

Salmow 57:2

My a elow war Dhuw Ughella, war Dhuw a gowlwra pup-tra ragov.

Salmow 57:3

Ev a dhyllo dhiworth nev, ha'm sawya a dhespit an den a'm stank. Sela. Duw a dhannvon y dregeredh ha'y wirder.

Salmow 68:28

Dha Dhuw re worhemmynnis dha nerth; surha, A Dhuw, an pyth re wrussys ragon ni.

Salmow 90:17

Ha bedhes favour an Arloedh agan Duw warnan ni, ha fast ober agan diwleuv warnan, fast ober agan diwleuv.

Ysay 26:3

Ty a with yn kres perfydh an den yw fyrv y vrys, rag ev a drest ynnos.

Ysay 27:5

Poken treylyens dhymm rag skovva; gwrens i kres genev vy, ya, gwrens i kres genev vy.

Ysay 29:23

rag pan wel y fleghes, ober ow diwla, a-ji dhodho, i a sansha ow hanow, ha sanshe Sans Yakob, ha perthi own a Dhuw Ysrael.

Ysay 32:18

Ow fobel a drig yn peurva hebask, yn annedhow saw, hag yn powesvaow kosel.

Ysay 57:10

Skwithys veus gans oll dha fordhow, hwath ny leversys, ‘Euver yw!’ Ty a gavas nerth nowydh rag dha leuv, rakhenna ny veus skwith.

Ysay 57:19

ow formya an frut a hebaska war dhiwweus an gynoryon. Kres, kres dhodho ev neb yw ogas, ha dhodho ev neb yw pell, yn-medh an Arloedh; ha my a'n yaghha.

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Ezekiel 20:14

My a wrug hemma a-barth ow hanow, ma na ve disakrys a-wel dhe'n kenedhlow, neb a's dres dhe-ves a-wel dhedha.

Ezekiel 20:22

Mes my a gildennas ow leuv dhe-ves, hag oberi a-barth ow hanow, ma na ve disakrys a-wel dhe'n kenedhlow, may hwrug vy aga dri yn-mes yn aga gwel.

Ezekiel 20:9

Mes my a'n gwrug a-barth ow hanow, ma na vo disakrys a-wel dhe'n kenedhlow mayth esons yn aga mysk, may feuv aswonnys dhedha a-wel dhedha, orth aga dri yn-mes a bow Ejyp.

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Niverow 6:26

An Arloedh re dhrehaffo y fas warnas, ha ri dhis kres.

Yowann 14:27

Kres a asav dhywgh, ow kres a rov dhywgh; ny rov dhywgh kepar dell re an bys. Na vedhes dha golonn troblys, ha na berthes own.

Efesianys 2:10

Rag y wrians ev on ni, kreatys yn Krist Yesu dhe oberow da a ragbareusis Duw, may hyllyn ni kerdhes ynna.

Dewteronomi 30:6

An Arloedh dha Dhuw a drodregh dha golonn ha kolonn dha has dhe gara an Arloedh dha Dhuw gans oll dha golonn ha gans oll dha enev, rag may fewi.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,