Ysay 26:1 - An Bibel Kernewek 20234 (Kernewek Kemmyn)

¹ Y'n jydh na an gan ma a vydh kenys yn pow Yuda: Ni a'gan beus sita krev; ev a wra selwyans, avel fosow ha kerweyth.

Ysay 26:1 ပူးပေါင်းရင်းမြစ်များ

Ezra 3:11

I a ganas, ow korthybi an eyl dh'y gila, gans gormola ha grasyans dhe'n Arloedh, ‘Rag ev yw da, rag y dregeredh a dhur bys vykken war Ysrael.’ Hag oll an dus a armas gans garm vras, ow kormel an Arloedh, drefenn bos settys sel chi an Arloedh.

Salmow 31:21

Benniges re bo an Arloedh, rag ev re dhiskwedhas tregeredh marthys dhymm yn sita grev.

Salmow 48:12

Kerdhewgh a-dro dhe Sion, kewgh a-dro dhedhi, niverewgh hy thouryow.

Salmow 48:4

Rag otta, an vyghternedh a omguntellas, i a dremenas war-barth.

Ysay 12:1

Y'n jydh na ty a lever: My a'th wormel, A Arloedh, rag kyn feus serrys orthiv, dha sorr re dreylyas dhe-ves, ha ty a'm konfortyas.

Ysay 14:31

Oul a yet, kri a sita; teudh yn own, Filistia, ty oll. Mog a dheu dhiworth an gogledh, ha nyns eus termynek yn y renkow.

Ysay 2:11

Dewlagas balghder den a vydh uvelhes, ha goeth tus a vydh iselhes, ha'n Arloedh unnsel a vydh ughelhes y'n jydh na.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 25:9

Y'n jydh na y fydh leverys, Otta, hemm yw agan Duw; ni a'n gortas, hag ev a'gan sawyas. Hemm yw an Arloedh ha ni re'n gortas; bedhen ni lowen ha fest heudhik yn y selwyans.

Ysay 31:5

Avel ydhyn ow pargesi, yndella Arloedh an luyow a vydh skoes war Yerusalem; ev a vydh skoes dhedhi ha'y delivra, hy sparya ha'y sawya.

Ysay 31:9

Y garrek a dremen dhe-ves rag euth, ha'y bennsevigyon a gilfi dhiworth an baner yn skruth’, yn-medh an Arloedh, mayth usi y dan yn Sion, ha'y fornes yn Yerusalem.

Ysay 33:5

An Arloedh yw ughelhes, trigys y'n ughelder; ev a lenow Sion a wirvreus hag ewnder.

Ysay 33:6

Ev a vydh fyrvder dha dermynyow, rychys a selwyans, furneth ha skentoleth; own an Arloedh yw y dresor.

Ysay 4:2

Y'n jydh na egin an Arloedh a vydh teg ha gloryus, ha frut an tir a vydh bryntin ha splann dhe'n re a dhienk yn Ysrael.

Ysay 5:1

My a gan lemmyn dhe'm karadow kan kerensa a-dro dh'y winlann: Ow haradow a'n jeves gwinlann war vronn pur feyth.

Ysay 56:5

my a re dhedha y'm chi hag y'm fosow men-kov ha hanow gwell ages mebyon ha myrghes; my a re dhodho hanow a dhur bys vykken na vydh dileys.

Ysay 60:18

Freudh ny vydh klewys byth moy y'th tiredh, na terroes na distruyans y'th oryon, mes ty a elow dha fosow Selwyans, ha'th yetys Gormola.

Ysay 62:10

Tremenewgh, tremenewgh der an yetys, pareusewgh fordh rag an bobel; drehevewgh, drehevewgh an fordh-veur, klerhewgh dhe-ves an meyn, drehevewgh baner rag an poblow.

Ysay 62:11

Otta, an Arloedh re dherivas dhe benn an norvys: Leverewgh dhe vyrgh Sion, ‘Otta, dha selwyans a dheu; otta yma y wober ganso, ha'y attal a-ragdho.’

Yeremia 33:11

lev lowender ha heudhder, lev an gour pries ha lev an venyn bries, lev an re a lever, hag i ow tri offrynnow grasyans yn chi an Arloedh: ‘Gormelewgh Arloedh an luyow, rag an Arloedh yw da, rag y dregeredh a dhur bys vykken.’ Rag my a dreyl kethneth an tir kepar hag y'n dalleth, yn-medh an Arloedh.

Ezekiel 40:5

Hag otta, yth esa fos a-ves dhe'n chi oll a-dro. Hirder an gorsenn-vusura yn leuv an gour o hwegh kevelin-hir, pub kevelin-hir o kevelin ha dornva. Ev a vusuras les an fos, unn gorsenn; ha'n ughelder, unn gorsenn.

Zekaria 2:5

My a vydh fos tan a-dro, yn-medh an Arloedh, ha my a vydh golewder a-bervedh ynni.’

Zekaria 2:9

Sur my a wra drehevel ow leuv er aga fynn hag i a vydh preydh dh'aga servysi. Ena hwi a woer y hwrug Arloedh an luyow ow dannvon.

Niverow 21:17

Ena Ysrael a ganas an gan ma: ‘Sav, a buth! Kenewgh dhodho!

Matthew 16:18

Ha my a lever dhis, ty yw Peder ha war an garrek ma y trehavav ow eglos, ha porthow ifarn ny wra hy thryghi.