Ysay 25:2 - An Bibel Kernewek 20234 (Kernewek Kemmyn)

² Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Ysay 25:2 ပူးပေါင်းရင်းမြစ်များ

Job 12:14

Mar tewl ev dhe'n dor, ny yll denvyth dastrehevel; mar tege ev gour a-bervedh, ny yllir igeri.

Ysay 13:20

Ny vydh annedhys nevra, ha ny drig denvyth ynni a henedh dhe henedh; ny sett Arabyon aga thyldow ena, ha ny wra bugeledh greow dhe bowes ena.

Ysay 13:21

Mes bestes gwyls a wrowedh ena, hag oulys a lenow hy chiow; strusyow a drig ena, ha boghes a derlemm ena.

Ysay 13:22

Keun a oul yn hy thouryow, hag owrgeun y'n palesyow fethus. Yma hy thermyn ow tos nes, ha ny vydh hy dydhyow delatys.

Ysay 14:23

My a's gwra yn perghennogeth rag sort, ha pollow dowr, ha'y skuba dhe-ves gans an skubell a gollva, yn-medh Arloedh an luyow.

Ysay 17:1

Profoesans a-dro dhe Damaskus. Otta, ny vydh Damaskus sita na fella, mes y fydh kals a vagoryow.

Ysay 17:3

An kastell a vydh gyllys dhiworth Efraym, ha'n vyghterneth dhiworth Damaskus; remenant Aram a vydh avel glori mebyon Ysrael, yn-medh Arloedh an luyow.

Ysay 21:9

Mir, otta gour ow tos yn charett, gans para a vergh.’ Ena ev a worthybis, ‘Babylon re goedhas, re goedhas; hag oll imajys hy duwow yw brewys war an leur.’

Ysay 23:11

Ev re ystynnas y leuv war an mor, ev re shakyas gwlaskordhow. An Arloedh re erghis erbynn Kanan dhe dhistrui hy hastylli.

Ysay 23:13

Mirewgh orth pow an Kaldeanys; nyns yns i pobel na fella; Assyria a'n destnas rag goedhviles. I a dhrehevis aga thouryow-esedhva, ha destryppya aga palesyow, ha'y wul magor.

Ysay 24:10

An sita a dheray yw terrys dhe'n dor; pub chi yw deges, ma na yll denvyth entra.

Ysay 25:12

Keryow ughel dha fosow a vydh dres yn-nans, iselhes, tewlys dhe'n dor, bys y'n doust.

Ysay 26:5

Ev a uvelha an re usi trigys y'n ughelder, an sita ughel; ev a's iselha bys y'n dor ha'y thewlel bys y'n doust.

Ysay 27:10

Rag an sita gerys a vydh hy honan oll, trigva ynyal ha forsakys; ena an leughi a beur, hag ena i a wrowedh ha devorya pub barrenn.

Ysay 32:14

Rag an kastell a vydh forsakys, tervans an sita a dhifyk; Ofel ha'n tour-goelyas a vydh grugek bys vykken, lowena dhe asenes gwyls, peurva dhe flokkys,

Ysay 32:19

Kyn fo an koeswik terrys yn-nans gans keser, ha'n sita levenhes orth an dor,

Ysay 34:13

Spern a dyv dres hy falesyow, askall ha spedhas yn hy hastylli. Hi a vydh peurva owrgeun, ha trigva rag strusyow.

Ysay 37:26

‘A ny glewsys jy? Nans yw pell my a ordenas hemma. Yn dydhyow koth my a'n tewlis; lemmyn my re wrug dhodho hwarvos, rag may fydhydh ow tifeythya sitys kerys yn kalsow a radell.

Yeremia 51:26

Ny gemmerons ahanas men rag kornell na men rag selven mes ty a vydh ynyalder bys vykken, yn-medh an Arloedh.

Yeremia 9:11

Ha my a wra dhe Yerusalem bos kalsow meyn, ha fow owrgeun; ha my a wra dhe sitys Yuda bos ynyal, heb annedhyas.

Dewteronomi 13:16

Ty a dhre oll hy freydh war-barth bys yn plen an dre, ha leski an dre hag oll hy freydh gans tan, offrynn kowlleskys dhe'n Arloedh dha Dhuw, hag y fydh krug bynitha; ny vydh drehevys arta.

Diskwedhyans 18:19

Hag i a dewlis doust war aga fenn, hag a armas, owth oela, hag ow kyni, ow leverel, ‘Tru, tru, an sita vras, may feu seul a'n jevo lestri y'n mor gwrys rych dre hy hevoeth! rag yn unn our hi re beu gwrys difeyth.’