Ysay 24:8 - An Bibel Kernewek 20234 (Kernewek Kemmyn)

⁸ Joy an tabourigow a hedh, tros an re lowen a dhifyk, ha joy an sowtri a hedh.

Ysay 24:8 ပူးပေါင်းရင်းမြစ်များ

Job 3:7

Devri, bedhes an nos na anvap; na vedhes garm heudh klewys ynni.

Job 30:31

Treylys dhe gyni yw ow sowtri, ha'm pib dhe lev an re a oel.

Salmow 137:2

Agan sowtris a gregsyn war an helyk usi ynni.

Ysay 16:10

Lowena ha heudhder yw kemmerys dhiworth an tir feyth, hag y'n gwinlannow denvyth ny gan, na garma yn lowen; denvyth ny drett gwin y'n gwinwaskow. My re wrug an arm dhe hedhi.

Ysay 5:12

Yma sowtri ha telynn, tabourik ha pibow, ha gwin yn aga gwledhow, mes ny virons orth gweyth an Arloedh, na gweles ober y dhiwla.

Ysay 5:14

Rakhenna ifarn re igoras y vryansenn a-les, hag igeri y anow dres musur; hy splannder ha'y thervysk a dhiyskynn ynno, ha'y routh, hag ev neb a lowenha.

Yeremia 16:9

Rag yndellma y lever Arloedh an luyow, Duw Ysrael: Otta, my a bellha dhiworth an tyller ma, yn agas dydhyow hag a-rag agas lagasow, lev lowender ha lev heudhder, lev an gour pries ha lev an venyn bries.

Yeremia 25:10

Ynwedh my a gemmer a-dhiworta lev lowender ha lev lowena, lev an gour pries ha lev an venyn bries, son an meyn melin ha golow an gantol.

Yeremia 7:34

Ena my a wra dhe hedhi a-dhiworth sitys Yuda, ha dhiworth stretow Yerusalem, lev lowender, ha lev heudhder, lev an gour pries, ha lev an venyn bries: rag an tir a vydh ynyal.

Kynvannow 5:14

Tus koth re asas an porth, tus yowynk aga menestrouthi.

Ezekiel 26:13

My a wra dhe dros dha gana tewel, ha son dha sowtris ny vydh klewys arta.

Ezekiel 28:13

Yth eses yn Eden, lowarth Duw; pub men drudh o dha gudhans, rubi, topaz, ha gwyrven, owrven, onyks, ha yasper, saffir, garnet, ha beryl. Ober a owr o dha settyansow ha'th gravyansow ynnos; y'n jydh may feus formys y fons parys.

Hosea 2:11

My a worr diwedh dhe oll hy heudhder: hy dy'goelyow, hy loeryow nowydh, hy sabotys, hag oll hy dy'goelyow apoyntys.

Amos 6:7

Ytho lemmyn i a vydh an kynsa ow mos yn divroedh, ha kevewi an re a omystynn yn lows a hedh.

Diskwedhyans 18:22

Ha son telynnyoryon, ha mynstrals, ha piboryon, ha trompours ny vydh klewys ynnos namoy, ha krefter vyth ynnos pypynag a vo y greft, ny vydh kevys ynnos namoy, ha son melin ny vydh klewys ynnos namoy;