Ysay 24:5 - An Bibel Kernewek 20234 (Kernewek Kemmyn)

⁵ An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Ysay 24:5 ပူးပေါင်းရင်းမြစ်များ

2 Samuel 23:5

A nyns yw ow chi yndella gans Duw? Rag ev a wrug genev kevambos bys vykken, ordenys yn pup-tra ha sur. A ny wra ev gul dhe skylla oll ow selwyans, ha'm desir?

2 Myghternedh 21:12

rakhenna yndellma y lever an Arloedh, Duw Ysrael, My a dhre war Yerusalem ha Yuda kemmys droktra may hwra kosa diwskovarn pubonan a glew anodho.

2 Myghternedh 21:15

drefenn i dhe wul an pyth yw drog y'm golok ha dhe'm provokya dhe sorr, a-dhia'n jydh may teuth aga thasow yn-mes a Ejyp, hwath bys y'n jydh ma.’

2 Kroniklys 33:9

Manasse a ledyas Yuda ha trigoryon Yerusalem yn stray, bys may hwrussons moy drog ages an kenedhlow a dhiswrussa an Arloedh a-rag pobel Ysrael.

Salmow 105:10

ev a'n ros dhe Yakob avel ordenans, ha dhe Ysrael avel kevambos bys vykken,

Salmow 55:5

Own ha skruth re dheuth warnav, ha kren re'm kudhas.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 30:9

Rag homm yw pobel dhiwostydh, mebyon wowek, mebyon na vynn klewes lagha an Arloedh;

Ysay 33:8

An fordhow meur yw gwastys, nyns eus tremenyas y'n hyns. An kevambos yw terrys, ha dispresys yw an tiow; ny wrons vri a dus.

Ysay 50:1

Yndellma y lever an Arloedh: Ple'ma testenn torrva demmedhyans dha vamm, gensi ma's gorris dhe-ves? Po py a'm kresysoryon yw dhodho ma'th werthis vy? Otta, drefenn dha beghosow y feus gwerthys, ha rag dha dreuspassow y feu dha vamm gorrys dhe-ves.

Ysay 9:17

Rakhenna an Arloedh ny lowenha yn aga gwer yowynk, na kemmeres truedh a'ga omdhivasow ha gwedhwesow; rag pubonan yw ansans ha drog, ha pub ganow a gews follneth. Yn despit dhe oll hemma ny dreylyas y sorr, ha'y leuv yw hwath ystynnys.

Yeremia 11:10

I re dreylyas war-dhelergh dhe dhrogober aga hendasow, a naghas klewes ow geryow; hag i eth war-lergh duwow erell dh'aga servya; chi Ysrael ha chi Yuda re dorras ow hevambos hag a wrug vy gans aga thasow.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Ezekiel 16:59

Rag yndellma y lever an Arloedh Duw: My a wra genes kepar dell wrussys, rag ty dhe dhispresya an ti, ow terri an kevambos.

Ezekiel 20:13

Byttegyns chi Ysrael a rebellyas er ow fynn y'n difeythtir. Ny gerdhsons war-lergh ow ordenansow, mes i a dhenaghas ow breusow, kyn fydh bew seul a's gwith; hag i a dhisakras ow sabotys yn feur. Ena yn-medhav, My a dhiver ow honnar warnedha y'n difeythtir, dh'aga howldhistrui.

Ezekiel 20:24

drefenn na wrens ow breusow, hag i a naghas ow ordenansow, ha disakra ow sabotys, mes yth esa aga lagasow settys war idolys aga thasow.

Ezekiel 37:26

My a wra gansa kevambos kres; y fydh kevambos gansa bys vykken. My a's fastyav ha'ga moghhe, ha my a worr ow sentri yn aga mysk bys vynnari.

Daniel 7:25

Ev a lever geryow erbynn an Ughella ha tormentya syns an Ughella, ha gwaytyas chanjya an sesonyow ha'n lagha. Hag i a vydh res yn y dhorn bys termyn, ha termynyow, ha hanter termyn.

Daniel 9:10

ha fyllel dhe woslowes orth lev an Arloedh agan Duw, dhe gerdhes yn y laghys hag a worras dheragon dre leuv y servysi an brofoesi.

Daniel 9:5

ni re beghas ha gul drog, ha gul kammweythres, ha rebellya, ow treylya dhiworth dha worhemmynnow ha'th vreusow.

Hosea 6:7

Mes i re dorras an kevambos avel Adam: ena i re'm traytas.

Levitikus 20:22

Ytho, hwi a syns oll ow ordenansow hag oll ow breusow, ha'ga gul, ma na wrello an tir, ma'gas drov dhe driga ynno, agas hwyja yn-mes.

Levitikus 26:35

Oll dydhyow y dhifeythter ev a bowes, rag ny bowesas yn agas sabotys, pan esowgh hwi trigys ynno.

Mika 2:10

Sevewgh ha kewgh dhe-ves, rag nyns yw homma agas powesva; drefenn agas defolans hi a vydh distruys, ha'n terroes a vydh tynn.

Luk 1:6

Gwiryon ens i aga dew a-wel dhe Dhuw, ow kerdhes divlam yn oll gorhemmynnow hag ordenansow an Arloedh.

Dewteronomi 32:15

Yakob a dhybris hag a veu gwalghys, Yeshurun a dheuth ha bos tew hag a botyas; ty a dheuth ha bos tew ha berrik, ha bos gorth; ev a forsakyas Duw neb a'n gwrug, ha despitya Karrek y selwyans.

Dewteronomi 32:20

Ev a leveris, My a gudh ow fas dhiworta, ha my a wel pandr'a vydh aga diwedh; rag yth yns i henedh gorth, mebyon heb lelder ynna.

Ebrowyon 13:20

Lemmyn, an Duw a gres neb a dhros arta dhiworth an re varow agan Arloedh Yesu Krist, bugel meur an deves, dre woes an kevambos a dhur bys vykken,

Ebrowyon 9:1

Lemmyn, hwath an kynsa kevambos a'n jevo ordenansow rag gordhyans ha sentri y'n bys.

Yoshua 23:16

Mar kammdremenewgh erbynn kevambos an Arloedh agas Duw a worhemmynnis dhywgh, ha mars ewgh dhe servya duwow erell, hag omblegya dhedha, sorr an Arloedh a vydh ow leski er agas pynn, hag yth ewgh dhe goll dihwans dhiworth an tir da re ros dhywgh.’

Yoshua 24:25

Ytho Yoshua a wrug kevambos gans an bobel y'n jydh na, ha settya ordenans ha lagha ragdha yn Shekem.