Ysay 24:18 - An Bibel Kernewek 20234 (Kernewek Kemmyn)

¹⁸ Piwpynag a fio dhiworth tros an euth a goedh y'n pytt, ha piwpynag a yskynno dhiworth an pytt a vydh kechys y'n vaglenn. Rag fenestri an ughelder yw igerys ha selyow an norvys a gren.

Ysay 24:18 ပူးပေါင်းရင်းမြစ်များ

Jenesis 19:24

Ena an Arloedh a asas glaw loskven dhe goedha war Sodom ha Gomorra ha tan dhiworth an Arloedh yn-mes a nev.

Jenesis 7:11

Yn hwegh kansves blydhen bewnans Noy, y'n nessa mis, yn seytegves dydh an mis, an keth jydh na y feu oll fentynyow an downder meur terrys igor, ha fenestri nev a veu igerys.

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Job 20:24

Ev a fi dhiworth arv a horn; ha seth a vrons a'n gwan.

Salmow 18:15

Ena yth omdhiskwedhas goverow dowr, ha selyow an norvys a veu diskudhys, orth dha geredh, A Arloedh, orth hwyth anall dha dhewfrik.

Salmow 18:7

Ena an nor a grenas ha kryghylli; ha selyow an menydhyow a grysyas ha krena, rag y vos serrys.

Salmow 18:8

Mog a yskynnas mes a'y dhewfrik, ha tan a'y anow, ow tevorya; kolennow a dardhas yn flammow a-dhiworto.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

Ysay 13:13

Rakhenna my a wra dhe'n nevow krena, ha'n norvys a vydh shakys dhiworth y le, yn konnar Arloedh an luyow, yn dydh y sorr fers.

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 2:21

dhe vones yn fowys y'n kerrek hag yn folsyow an kleger dhiworth fas euth an Arloedh ha splannder y veuredh, pan sev dhe ownekhe an norvys.

Ysay 42:22

Mes homm yw pobel ledrys ha ravnys, i oll yw maglennys yn tell ha kudhys yn baghow; devedhys yns ha bos preydh heb denvyth dhe sawya, pyll heb denvyth dhe leverel ‘Daswra!’

Ysay 8:14

Ev a vydh sentri, ha men trebuchya ha karrek koedha dhe dhew ji Ysrael, hag antell ha maglenn rag annedhysi Yerusalem.

Yeremia 48:43

Yma own, pytt, ha maglenn a-ragos, ty annedhyas Moab! yn-medh an Arloedh.

Yeremia 48:44

Seul a fi a'n browagh a goedh y'n pytt, ha seul a glamber yn-mes a'n pytt a vydh kechys y'n vaglenn. Rag my a dhre an traow ma war Moab yn blydhen aga hessydhyans, yn-medh an Arloedh.

Kynvannow 3:47

Euth ha'n pytt re beu dhyn, diswrians ha terroes.

Ezekiel 11:8

Hwi re borthas own a'n kledha; ha my a dhre an kledha warnowgh, yn-medh an Arloedh Duw.

Ezekiel 12:13

Ha my a les ow roes warnodho, hag ev a vydh kechys y'm antell, ha my a'n dre dhe Babylon, tir an Kaldeanys, mes ny'n gwel, hag ena y ferow.

Ezekiel 15:7

My a sett ow fas er aga fynn. Kyn skapyons dhe-ves dhiworth an tan, an tan a's deber; ha hwi a woer my dhe vos an Arloedh, pan settyav ow fas er aga fynn.

Amos 5:18

Go-i an re yw hwansek dhe dhydh an Arloedh! Pandr'a vydh dydh an Arloedh dhy'hwi? Tewlder vydh, ny vydh golow;

Amos 5:19

kepar ha pan fia gour dhiworth lew, hag ors ow tos er y bynn; po mos yn chi ha poesa erbynn an paros gans y dhorn ha bos brethys gans sarf.