Ysay 23:11 - An Bibel Kernewek 20234 (Kernewek Kemmyn)

¹¹ Ev re ystynnas y leuv war an mor, ev re shakyas gwlaskordhow. An Arloedh re erghis erbynn Kanan dhe dhistrui hy hastylli.

Ysay 23:11 ပူးပေါင်းရင်းမြစ်များ

Jenesis 9:25

Hag ev a leveris, ‘Milliges re bo Kanan. Kethwas kethwesyon a vydh ev dh'y vreder.’

Salmow 46:6

An kenedhlow a dervas, an gwlaskordhow a grenas; ev a ros y lev, an nor a deudhis.

Salmow 71:3

Bydh dhymm karrek grev may tyffiv dhedhi pup-prys; ty re worhemmynnis ow selwel, rag ty yw ow harrek ha'm kastell.

Eksodus 14:21

Ena Moyses a ystynnas y dhorn dres an mor; ha'n Arloedh a herdhyas an mor war-dhelergh dre wyns krev a'n howldrevel oll an nos, ha gul dhe'n mor bos dor sygh, ha'n dowrow a veu rynnys.

Ysay 10:6

My a'n dannvon erbynn kenedhel ansans, hag erbynn pobel ow sorr my a'n gorhemmynn, dhe bylla, ha dhe dhalghenna preydh, dh'aga threttya avel leys an stretys.

Ysay 13:13

Rakhenna my a wra dhe'n nevow krena, ha'n norvys a vydh shakys dhiworth y le, yn konnar Arloedh an luyow, yn dydh y sorr fers.

Ysay 14:26

Hemm yw an towl ervirys rag oll an norvys; ha homm yw an leuv ystynnys war oll an kenedhlow.

Ysay 19:5

Dowr dhiworth an mor a dhesygh, ha gweli an avon a vydh kras ha sygh.

Ysay 2:19

I a dheu yn fowys y'n kerrek, hag yn pansow y'n dor, dhiworth fas euth an Arloedh ha splannder y veuredh, pan sev dhe ownekhe an norvys.

Ysay 23:10

Tremen dre dha dir avel an Nil, myrgh Tarshish; rag ny'th eus kay byth moy.

Ysay 23:3

war dhowrow meur; greun Shihor o hy threvas, askorr an Nil; hag yth es marchont an kenedhlow.

Ysay 25:2

Ty re wrug an sita yn graghell, an kastell gans keryow yn magor. Nyns yw palys an estrenyon sita namoy; nevra ny vydh dastrehevys.

Ysay 5:25

Rakhenna sorr an Arloedh a dhew erbynn y bobel, hag ev a ystynn y leuv er hy fynn ha'y gweskel. An menydhyow a gren, ha'ga horfow yw avel atal yn kres an stretys. Yn despit dhe oll hemma, ny dreyl y sorr dhe-ves, ha'y leuv yw hwath ystynnys.

Ysay 50:2

Prag nag esa denvyth ena pan dheuth vy? Prag na worthybis denvyth pan elwis vy? Yw ow dorn berrhes bys ma na yll hi dasprena? A nyns eus dhymmo vy galloes dhe dhelivra? Gans ow heredh my a sygh an mor, my a wra avonyow difeyth; aga fuskes a fler rag difyk dowr, hag a verow rag syghes.

Yeremia 47:7

Fatell yll bos kosel pan ros an Arloedh gorhemmynn? Erbynn Ashkelon hag erbynn an morrep – ena ev re'n erviras.

Ezekiel 26:10

Mar lies vydh y vergh may hwra aga doust dha gudha. Orth son an varghogyon, ha'n rosow, ha'n charettow dha fosow a gren, pan enter y'th yetys kepar ha'n re a enter yn sita mayth eus ynni aswa.

Ezekiel 26:4

I a dhistru fosow Tyr, ha terri hy thouryow dhe'n dor, ha skuba dhe-ves hy doust dhiworti, ha'y gul karrek lomm.

Ezekiel 31:16

My a wrug dhe'n kenedhlow krena dre son hy therroes pan y's dros yn-nans dhe ifarn gans an re a dhiyskynn dhe'n pytt; hag oll gwydh Eden, an flour ha'n gwella a Lebanon, oll an re a eva dowr, a veu konfortys y'n bys a-woeles.

Nahum 1:14

Ha'n Arloedh re ros gorhemmynn y'th kever: ‘Ny vydh has dhiworth dha hanow namoy; dhiworth chi dha dhuwow y troghav dhe-ves an imaj gravys ha'n imaj teudh; my a bareus dha vedh; rag ty yw distyr.’

Haggay 2:7

Ha my a wra oll an kenedhlow dhe grena, ha tresoryow an kenedhlow oll a dheu, ha my a lenow an chi ma gans golewder, yn-medh Arloedh an luyow.

Zekaria 14:21

Pub pott yn Yerusalem hag yn Yuda a vydh ‘Sansoleth dhe Arloedh an luyow’, ha pubonan a dheu dhe sakrifia a gemmer nebes anedha, ha bryjyon ynna; ha ny vydh Kananek namoy y'n chi Arloedh an luyow.

Mark 11:17

Hag yth esa ev ow tyski, hag ow leverel dhedha, ‘A nyns yw skrifys, “Ow chi a vydh gelwys chi pysadow rag oll an kenedhlow”? Mes hwi re'n gwrug fow ladron.’

Yowann 2:16

ha leverel dhe neb a wertha an kelemmi, ‘Kemmerewgh an taklow ma alemma; na wrewgh chi ow Thas yn marghatti.’